Тасымалдау техникасы кафедрасы

Тарихы

"Көліктік техника" кафедрасы 1978 жылы құрылып, Қ. И. Сәтбаев атындағы Қазақ ұлттық техникалық зерттеу университетіндегі, А.Бүркітбаев атындағы "Өнеркәсіптік инженерия" институтының (ӨИИ) құрамына кірді. Мұндай бағыттағы кафедраның ашылуы, елімізге, кең профильді инженер-механик мамандарына және конструкторларға деген аса қажеттілікпен байланысты болды.  Кафедра түлектері, өндіріс орындарының алдында тұрған барлық талаптарға жауап береді, еліміздегі өнеркәсіптердің көптеген салаларында еңбек етеді және мемлекеттік құрылымдарда басшылық қызметтерін атқаруда. Кафедраның қызмет ету кезеңінде, "Көтеру-тасымалдау, жол құрылыс машиналары және жабдықтары" мамандығы бойынша, машина жасау, металлургия, құрылыс және басқа да өнеркәсіп салалары үшін жоғары деңгейлі мамандар дайындалды. Кафедра алғашқы дамуында: Н.Э. Бауман атындағы МЖТ училищесінің түлегі, қазіргі РФ халықаралық көлік академиясының академигі, т.ғ.д., профессор С.А. Жиенқұлов (бірінші кафедра меңгерушісі, оның негізін қалаушы), т.ғ.д., профессор М.Х. Саргужин, т.ғ.д., профессор Б.Т. Сазамбаева, ҚР ҰҒА академигі, т.ғ.д., профессор Н.Т. Сурашев, т.ғ.к., Ахметова Ш.Д., т.ғ.д., профессор Р.А. Торғаев, сондай-ақ ХКА профессорлары мен академиктері: Р.Н. Таукелев, Р.А. Қабашев, доценттер: К.М. Тоқтыбаев, М.Х. Саргужин, Б.Т. Сазамбаева, В.Е. Жүндібаев, А.У. Канахин және басқалар болды.

Кафедрада 16-дан астам докторлық және 30-дан астам кандидаттық диссертациялар қорғалды.

280340 мамандығына ең бірінші қабылдау 1988 жылы жүзеге асырылды. 1993 жылы 280340 – "Көтеру-тасымалдау, жол құрылыс машиналары және жабдықтары" мамандығы бойынша бірінші түлектер білім алып шықты. Полиграфия бойынша жаңа мамандықтар ашылды және кейіннен "КТМжГ" кафедрасынан, 1994 жылы "Полиграфия өндірісінің машиналары мен технологиялары" кафедрасы бөлініп шықты. 1999 жылы автомобиль және трактор машина жасауға, 280140 – "Автомобиль және трактор жасау" мамандығы бойынша мамандар даярлау қолға алынды.

Елімізде баспа-полиграфиялық кешені үшін кадрлар даярлау үшін ҚР Баспа және бұқаралық ақпарат министрінің және Қ. И. Сәтбаев атындағы Қазақ ұлттық техникалық университеті ректорының 1994 жылғы 16 мамырдағы № 165 бірлескен бұйрығымен "Полиграфия өндірісінің машиналары мен технологиялары" кафедрасы ұйымдастырылды. Кафедраның алғашқы меңгерушісі – Н.Э. Бауман атындағы МЖТУ түлегі, т.ғ.к., профессор Оразбаев Бөлепберген Кетебайұлы. 2011 жылдың қыркүйек айынан бастап ПӨМжТ кафедрасы, А.Ж. Бүркітбаев атындағы Өнеркәсіптік инженерия институтының құрамына кірді және күндізгі бөлімде мемлекеттік және орыс тілдерінде полиграфия бакалаврлары мен магистрларын дайындайтын,  Республикамыздағы жалғыз мамандандырылған кафедра болып табылады.

Кафедра, Мәскеу мемлекеттік баспа университетімен, Ресей Тұңғыш Президенті Б.Н.Ельцин атындағы Орал федералдық университетімен, А.Бектуров атындағы химия ғылымдарының институтымен тығыз байланыста, сонымен қатар, "Атамұра" корпорациясының "Полиграфкомбинат" ЖШС, "Дәуір" РБПК. "Дәуір" РБПК базасында студенттермен сабақ өткізу үшін, оқу аудиториясы бар кафедра филлиалы жұмыс істеді. 2011 жылдың наурыз айында "Полиграфия" мамандығы, "Ресейдің инженерлік білім Ассоциациясы" (Томск қ.) аккредитациялау орталығында 5 жыл мерзімге халықаралық аккредитациядан сәтті өтті. 2011 жылдың сәуір айында, ПӨМжТ кафедрасының күшімен. Қ.И.Сәтбаев атындағы ҚазҰТУ, Қазақстан полиграфистері қауымдастығына, ал 2012 жылдың маусымында Штутгард қаласында (Германия) штаб-пәтері бар полиграфиялық жоғары оқу орындарының халықаралық қауымдастығының құрамына кірді. Кафедра жұмыс істеген кезден бастап мыңнан астам полиграфия өндірісінің мамандарын даярлады, олар республикалық маңызы бар кәсіпорындарда, атап айтқанда "Дәуір" РБПК, "Полиграфкомбинат" ЖШС, "Интеллсервис" ЖШС, "Лидер офсет" ЖШС және т.б. жұмыс жасайды, сондай-ақ Қазақстанның шағын және орта полиграфиялық бизнесін дамыта отырып, өз кәсіпорындарын құруда. 2014 жылдан бастап кафедра, Қазақстан Республикасының полиграфистер, баспагерлер және кітап таратушылар Ассоциациясының мүшесі болып табылады. 2017 жылы  ПӨМжТ кафедрасы "Көлік техникасы" кафедрасына қосылды. "Көлік техникасы" кафедрасының базасында "Полиграфия" секциясы жұмыс істейді және оның міндеттері тек мамандық бойынша студенттер оқыту ғана емес, сонымен қатар "Полиграфия" мамандығына арналған типтік оқу жоспарларын, бағдарламаларын, барлық оқу-әдістемелік материалдарды әзірлеу және сараптау болып табылады.

Бастапқыда жалпы білім беретін кафедра болып, "Көтеру-тасымалдау машиналары және гидравлика", "Гидравлика және гидрожетек" және т.б. пәндер бойынша машина жасау, мұнай, металлургия, тау-кен және басқа факультеттерінде көптеген пәндер бойынша сабақтар жүргізілді.

Машеков Серік Әкімұлының

Машеков Серік Әкімұлының  өмірбаяны Қазақстан университеттеріндегі ғылыми және практикалық жұмыстармен байланысты. 1983 жылы Қарағанды металлургия институтының (ҚарМетИ) технологиялық факультетін үздік бітірді. Осы институтты бітіргеннен кейін Мәскеу болат және қорытпалар институтына машықтанушы зерттеуші болып жұмысқа жіберілді. 1985 жылы Мәскеу болат және қорытпалар институтының күндізгі аспирантурасына түсті. 1988 жылдың желтоқсанына дейін оқып, кандидаттық диссертациясын мерзімінен бұрын қорғады.

Аспирантураны бітіргеннен кейін С. А. Машеков (1990 жылдан бастап) оқытушы, аға оқытушы, доценттен бастап "Металдарды қысыммен өңдеу теориясы мен технологиясы" кафедрасының меңгерушісіне дейін (1991 – 1999 жж.)  жұмыс істеді.

Қарағанды металлургия институтында жұмыс істей отырып, Машеков С. А. титан қорытпаларын соғу және қалыптау технологиясын зерттеуді үздіксіз жүргізді. Соғу және қалыптаудың технологиялық процестерін зерттеуге С.А. Машеков өзінің ғылыми қызметінің едәуір бөлігін арнады: титан қорытпаларынан жасалған дискілер мен қалақтардың құрылымы мен механикалық қасиеттері мен дәлдігін басқарудың технологиялық әдістерін зерттеді. Мәселені қою, теориялық есептер кешені, олардың  металлургиялық өндірістік бірлестігінде практикалық шешімі 1998 жылы Орал мемлекеттік техникалық университетінде "Металдарды қысыммен өңдеу" мамандығы бойынша қорғалған "Жоғары механикалық қасиеттері бар титан қорытпаларынан соғудың жаңа технологиясын жасау, зерттеу және енгізу" докторлық диссертациясының негізін құрады.

Титан және алюминий қорытпаларын өңдеу бойынша профессор С.А. Машеков 4 монография (1. Машеков С.А., Омаров А.Д., Смирнов В.К. Көлік материалдары металлургиясы // Монография. Алматы. "Бастау" баспасы, 2002. 296 б.; 2. Машеков С.А., Смирнов В.К., Омаров А.Д. / Көліктік өнімдердің жартылай бұйымдарын өндіру технологиясы // Монография. Алматы.  "Бастау" баспасы, 2002. 246. б.; 3. Машеков С.А., Смирнов В.К., Омаров А.Д. /Көлік бұйымдарын өндіру технологиясы // Монография. Алматы. "Бастау"баспасы, 2002. 408 б.; 4. С.А. Машеков, Смайлова Н.Т., Машекова А.С /Титан қорытпаларын соғу мәселелері және оларды шешу // 1,2 -бөлім. Монография. Баспа: Лапламберт. Оқу баспасы, 2013, сонымен қатар 12 авторлық куәлік алынды.

Машеков С.А. 1999 жылдан 2011 жылға дейін Қазақ көлік және коммуникация академиясының профессоры; Алматы технологиялық университетінің бірінші проректоры; Қазақстан-Британ техникалық университетінде қауымдастырылған профессор; "Станок жасау, материалтану және машина жасау өндірісінің технологиясы" және "Металлургиялық машиналар мен жабдықтар" кафедрасының меңгерушісі болды. Қазіргі уақытта Қ. И. Сәтбаев атындағы Қазақ ұлттық техникалық зерттеу университетінде  "Көлік техникасы" кафедрасының меңгерушісі.

Болатты ыстықтай деформациялау және термиялық өңдеудің аралас технологиялық процестерінің заңдылықтарын зерттеу бойынша жұмыстар кешені, табақты металдың технологиялық ағымында металға температуралық - деформациялық әсер етудің әр бағыттағы түрлерінде болаттың фазалық құрамын қалыптастыру механизмінің ерекшеліктерін нақтылауға және жүйелендіруге мүмкіндік берді. Анықталған заңдылықтар ыстық пластикалық деформация мен теориялық өңдеудің біріктірілген процестерінің жаңа технологияларының негізі болып табылады. Жаңа технологиялардың негізгі жіктемелік белгісі бұрын қабылданған технологиялық операциялардың реттілігі емес, фазалық түрленудің түрі болып табылады. Жүргізілген зерттеулер жекелеген кіші топтарға табақ металдарын өңдеудің жаңа технологиялық сызбаларын бөліп көрсетуге мүмкіндік берді, перлитті түрлендіруден термомеханикалық өңдеу, термомеханикалық өңдеуді жақсартатын, төмен көміртекті болаттарды бақылап өңдеу және басқа да бірқатарларзерттеулерін жекелеуге болады. Осы көпжылдық зерттеулер материалдары монографияларда жинақталған: 1. Илемдеу өндірісінің технологиясы / С.А. Машеков, И.И. Кузьминов, Б.Н. Абсадыков және т.б.// Алматы: "Tetaprint" баспасы, 2007. 334. б.; 2. Машеков С.А., Абсадыков Б.Н. / Илемелеу өндіріснің мәселелері мен даму бағыттары. Алматы: Қазақ-Британ техникалық университеті, 2012, 298 б.; 3. С.А. Машеков, Б.Н. Әбсадықов / Болат конструкциялардың мәселелері және оларды технологиялар мен жабдықтарды жетілдіру жолымен шешу // Алматы: Қазақстан-Британ техникалық университеті, 2011. 300 б.; 4. Болат пен қорытпалардан жасалған жұқа жолақтарды илемелеуге арналған көпсалалы бойлық-сыналық ұсатқыш / Машеков С. А., Нуртазаев А. Е., Машекова А. С. және т.б. // Алматы: "Нур-Принт", 2018. Б. 307.; 5. Жұқа жолақтарды илемелеуге арналған көпсалалы бойлық-сыналық ұсатқышта илемдеу технологиясы. Алматы: "Нұр-Принт", 2018. Б. 324. Бұл монографиялар қазіргі уақытта да металға температуралық-деформациялық әсер етудің әр түрлерінде кең мақсаттағы болат құрылымының қалыптасуының заңдылықтарын жан-жақты жариялайтын энциклопедиялық мәнін сақтап отыр.

Кафедра меңгерушісі болып жұмыс жасай отырып, жаңа ғылыми бағыттар жасап, ұжымның оқу-әдістемелік қызметін жетілдірді. С. А. Машековтың жетекшілігімен диссертация қорғаған жоғары білікті мамандар қазіргі уақытта университеттер кафедраларын толықтырды. Бұған дейін және қазіргі уақытта Қазақстан университеттерінде 15 кандидат және 2 техника ғылымдарының докторы және 9 PhD докторы жұмыс істейді.

С.А. Машековтың ғылыми жарияланымдары Қазақстанда да, шет елдер де кеңінен танымал. Ол Қазақстанда және шетелдік басылымдарда жарияланған 400-ден астам публикациялар авторы. Айта кету керек, 30-дан астам мақала Thomson Reuters және Scopus базасына кіретін журналдарда жарық көрді. Машеков С. А берілген өтінімдерге 60-тан астам авторлық куәлік пен патент алды. Авторлық куәліктердің белгілі бір саны өндіріске енгізілді.

С.А. Машековтың жетекшілігімен студенттер түрлі сайыстарға қатысты. Қазақстан Республикасы Білім және Ғылым министрлігінің (ҚР БҒМ) І дәрежелі дипломымен үш студент марапатталды, ҚР БҒМ ІІ дәрежелі дипломымен үш студент марапатталды, ҚР БҒМ ІІІ дәрежелі дипломымен бір студент марапатталды. Студенттердің ғылыми жұмыстарына жетекшілік еткені үшін Машеков С. А. ҚР БҒМ Құрмет грамотасымен марапатталды.

Профессор Машеков С. А. білім алушыларды ғылыми жұмысқа дайындауға белсенді қатысады. Облыстық ғылыми жобалар жарыстарында І дәрежелі дипломмен бір студент және ІІ дәрежелі дипломмен марапатталды. ҚР БҒМ II дәрежелі дипломымен бір студент марапатталды.

Көп жылдық нәтижелі ғылыми-зерттеу, оқу-әдістемелік және ұйымдастыру-тәрбие жұмысы, өзінің қызметтік міндеттеріне адал қарағаны үшін С. А. Машеков Қазақстан Білім және ғылым министрлігінің Құрмет грамотасымен (1995 ж.), сонымен қатар Вернадский Ресей Жаратылыстану Академиясының Алтын медалімен (РАЭ), А. Нобель медалімен, "Laboreetscientia – еңбекпен және біліммен" орденімен, "Europeanquality – Еуропалық сапа" және "Premuspnterpares – Теңдер арасында бірінші"Алтын медалімен марапатталды.

Машеков С.А. екі рет (2006 және 2010 жылдар) Қазақстан Республикасының "Жоғары оқу орнының үздік оқытушысы" мемлекеттік грантына ие болды. Сонымен қатар ғылым мен техниканың дамуына зор үлес қосқан ғалымдар мен мамандарға арналған мемлекеттік ғылыми стипендия иегері.

Ірі ғалым, дарынды педагог және инженерлік мектептің ұйымдастырушысы, Серік Әкімұлы Машеков Қазақстанның Білім және ғылымындағы өзекті мәселелерді шешуде өз білімін, күшін, шығармашылық серпінін арнауға шешім қабылдап, осы бағытта еңбек атқаруда.

Миссия және стратегия

Білім беру бағдарламасының миссиясы жоғары және жоғары оқу орнынан кейінгі білім беру саласындағы жоғары сапалы білім беру қызметтерін ұсыну, «Көлік, көліктік техника және технология» мамандығы бойынша ұлттық кеңістікте маман дайындауда Болон процесінің принциптері мен қазіргі заманғы сапа стандарттарын енгізу арқылы жетілдіруге қол жеткізу болып табылады.

Көлік және көлік техникасы саласындағы мамандарды даярлау сапасын арттыру мақсатында білім беру және ғылыми қызметті жетілдіру.

Мамандыққа сұраныс өсіп келеді, бұл 2050 жылға дейінгі Қазақстанның инновациялық дамуының мемлекеттік бағдарламасымен байланысты. Көптеген мемлекеттік және жекеменшік кәсіпорындар көлік, көліктік техника және технологиялар саласына ғылыми, білімді, заманауи бағдарламалар білетін мамандармен қамтамасыз етуге қызығушылық танытып отыр.

Оқыту шарттары:   оқыту мемлекеттік гранттар бойынша және шарттық негізде жүзеге асырылады.

Ғылым

Кафедра Қазақстан Республикасының тау-кен өндіру, мұнай өндіру, машина жасау және басқа салаларында үздіксіз өндірістік жүйелерді кешенді механикаландыруда, автоматтандыру облыстары басым салаларында ұлттық бағдарламаларға белсене қатысады.

Кафедраның алдыңғы қатарлы ғылыми бағыттары: машиналардың параметрлері мен конструкцияларын болжаудың ғылыми негіздері; жоғары сапалы таспалы және таспалы-циклдық технологияны есептеу теориясы; көп шөмішті экскаваторлар мен рельстік тасымалдау жүйелерін есептеу және жобалау; КРТЖ жұмыстары мен логистикасы үшін машиналар кешенін есептеу және жобалау; көтергіш машиналардың теориясы, есептеуі; мұнай  қоймалары  бұрғылау қондырғылары және жабдықтарын көтеру механизмі мен теориясы; АЖЖ машиналары; көтеру-тасымалдау машиналарын, робототехникаларды және жол-құрылыс машиналарын жасау және жобалау үшін иілгіш пластиналар мен қаптама қолданудың теориясы негіздерін қолдану.

Қазіргі уақытта кафедраның ғылыми-зерттеу жұмысы келесі бағыттар бойынша жүргізіледі :

1. Ғылыми кеңесші, профессор Шалбаев К.К. машинажасау, музыка және білім беру кітаптарына қызығушылық танытады, келесі жоба бойынша жетекші және орындаушы болып табылады: «Жанармай шығынын,  қоршаған ортаға зиянды қалдықтарды шығаруды азайту мақсатында ішкі жану қозғалтқыштарында (ДВС) және дизельді қозғалтқышта (бензин, дизель отыны) пайдалану үшін сутектік генераторын зерттеу»;

2. Гранттық қаржыландыру жобаларының жетекшісі және орындаушысы, кафедра меңгерушісі, техника, музыка және оқу кітаптарына қызығушылықтары бар, профессор Машеков С.А. келесі тақырыптар бойынша ғылыми жетекші болып табылады:

1) № 757. МОН.ГФ.ЭМ.4: «Жоғары сапалы парақтарды өңдеуге арналған көп функциялы қондырғысының жаңа конструкциясын жасау»;

2) № 2018/АР05132610 «Түсті металддан шыбық металл, құбырларды дайындауға арналған бағдарламалық басқаруы бар үздіксіз радиалды жылжымалы қондырғының жаңа конструкциясын жасау».

Сондай-ақ гранттық және ғылыми-зерттеу жобаларын бағдарламалық-мақсаттық қаржыландыру бойынша конкурсқа өтінімдер ұсынылды.

Кафедраның жалпы жобалық қызметі:

- жобаның құрылымын құру және мәселелерін шешудің басым бағыттарын айқындау кезінде түрлі факторларды ескере отырып, жобаның мақсаттары мен міндеттерін айқындау;

- жобаларды жоспарлау және іске асыру, салдарын болжау мәселелері бойынша шешімдерді әзірлеу және талдау;

- технологиялық, конструкторлық, эстетикалық, экономикалық және басқа көрсеткіштерді есепке ала отырып, машиналар мен жабдықтардың жобаларын әзірлеу;

- материалдарды, көлік құралдарын және жабдықты таңдау кезінде ақпараттық технологияларды пайдалану.

 

Оқу-әдістемелік жұмыс

1.09.2004 жылдан бастап 5В071300 - «Көлік, көліктік техника және технология» мамандығы бойынша бакалавр және магистрлер - (кәсіби 1,5 жыл оқу), сонымен қатар ғылыми-педагогикалық (2 жылдық оқу) бакалаврларды дайындау басталды. Кафедра дайындайтын мамандықтар әмбебаптығы арқасында кез-келген өндірістік салада және халық шаруашылығында қолданыс табады.

Бұл саланың бакалавры көлік техникасының тиімділігін жоғарлатуға арналған көлік құралдарын жобалау, пайдалану және жөндеу, сондай-ақ пайдалану тиімділігін арттыруға бағытталған ғылыми-зерттеу жұмыстары бойынша күрделі мәселелерді шешуге бағытталған маман қызметінің іс-шараларының жиынтығын, әдістерін және әдістерін қамтитын өндіріс саласына дайындалады.

«Көлік, көліктік техника және технологиялар» мамандығы бойынша білім беру бағдарламасына сұраныс мамандық түлектерін кәсіпкерлер мен кәсіпорындардың инженерлік-техникалық нысандарына ұзақ мерзімді тұрақты бөлу арқылы расталады.

Кафедра «Көлік, көліктік техника және технологиялар» мамандығы бойынша мамандар даярлайды, мамандық әмбебаптығы арқасында кез-келген салада қолданыла алады және жоғары деңгейдегі мамандар даярлауға қабілетті, сонымен қатар зертханалық, тәжірибелік сабақтар жүргізуге арналған зертханалық және басқа да заманауи жабдықтармен жабдықталған.

Дипломдық жобалардың тақырыбы «Өндірістік секторларды кешенді механизациялау және автоматтандыру» тақырыбымен байланысты.

Оқу процесінде студент келесі бағыттар бойынша кең ауқымды білім алады:

- көтеру-тасымалдау, жол-құрылыс машиналарын, роботтарды, автомобильдер мен тракторларды есептеу және жобалау;

- инженерлік технология;

- компьютерлік техника;

- экономика, менеджмент және маркетинг;

- шет тілдері;

- мобильді машиналарды зерттеу, жобалау, өндіру және сынау;

- студенттердің жеке білім беру бағдарламасын таңдауы.

Оқу барысында студенттер автокөліктерді жөндеуге, техникалық қызмет көрсету машықтары, машина жүргізу құқығына ие болады.

Кафедраның материалдық базасы

Кафедраның материалдық базасы, қолданыстағы стендтермен, макеттермен және аудиовизуалды және техникалық оқыту құралдарымен жабдықталған аудиториялардан, профильді пәндердің арнайы зертханалардан тұрады.

Кафедраның мамандандырылған зертханалары, 10 зертханалық және мультимедиялық кешендермен жабдықталған, сондай-ақ, ақпараттық технологиялардың компьютерлік сыныбымен, төмендегі оқу процесіне қажетті интерактивті тақта және интернет желісіне қосылған 13 жұмысшы компьютерлермен жабдықталған:

 

2014 жылы РҚБК ЖШС "Алматы КАМАЗ Автоцентрінде" оқу сыныбы ашылған. Зертханалардың жұмысын рәсімдеу және ұйымдастыру, 5.03.014-2006 "ЖОО оқу және ғылыми зертханалары" ҚР МЖББС талаптарына сәйкес келеді. ББ даму жоспарына, зертханаларды заманауи қондырғылармен жабдықтау, оның ішінде жұмыс берушінің құралдарын тарту іс-шаралары енгізілген.

Жалпы алғанда, зертханалық база, аталған бағытта мамандар даярлауда барлық талаптарға сай келеді. Әрбір зертхана паспортпен (онда көрсетілген мақсаты мен жабдықтар), өртке қарсы қорғау және жеке қорғаныс құралдарымен, компьютерлік техникалармен, стендтермен және т.б. қамтамасыз етілген.

 

Зертханалық жабдықтардың тізбесі:

1. Металлографиялық микроскоп,

2. Муфельді пеш,

3. ВАЗқозғалтқыш қимасы,

4. УАЗ қозғалтқышы электр жетегімен қимасы,

5. УАЗ артқы белдем қимасы,

6. ЗИЛ-130 қозғалтқышы қимасы,

7. ЗИЛ-130 артқы көпір қимасы,

8. ЗИЛ-130 беріліс қорабы қимасы,

9. ЗИЛ-130 алдыңғы балка жиынтығы,

10. ВАЗ-2106 беріліс қорабы,

11. Хроматек-Кристал 5000,

12. Сұйық Хромотограф,

13. Газ уыттылығын анықтауға арналған газоанализатор,

14. Газ шығару уыттылығын анықтауға арналған түтін өлшегіш,

15. Энглер Вискозиметрі,

16. Пьезометриялық түтік,

17. Кең форматты басуға арналған плоттер,

18. Су дистилляторы,

19. Бидистилятор,

20. Гидростенл,

21. Винтті конвейер,

22. Роликті таспалы конвейер,

23. Көтеру-тасымалдау көлік техникасы, жол қозғалысы ережелері, ішкі жану қозғалтқышы, сондай-ақ автомобиль конструкциясы, реттелмейтін жол қиылыстарынан өту, жол қозғалысын үйлестірілген басқару жөніндегі стендтер, макеттер және оқу плакаттары, ЖҚЕ бойынша және жүріс бөлігінің белгісі бойынша электрлендірілген стендтер,

24. Бұрамдық бәсеңдеткіш,

25. Екі консольды тіректі кран (макеті),

26. Екі арқалық көпірлі кран (макеті),

27. Блоктар, барабандар, роликтер, конвейер барабаны.

Барлық сұрақтар бойынша келесі мекенжайға хабарласыңыздар:

«Көлік техникасы» кафедрасы, 5 этажды МЖК-ның 3-ші этажында орналасқан, Алматы қ., 050013, Сәтбаев көшесі, 22, Қ.И. Сатбаев атындағы ҚазҰЗТУ, Қабылдау комиссиясының телефоны: 8-727-292-73-01; Кафедра телефоны "Көлік техникасы": 8-727-257-7183; 8-727-257-7083, e-mail: ptm-050713@mail.ru.

Жоғары

Аудармасы жоқ


Басты парақшаға өту