AP23485820 « Жүрек ауруларын диагностикалауда портативті кардиоанализатордың сигнал сапасын мен болжау дәлдігін арттыру»

Жоба өзектілігі

Жүйе жүрек-қан тамырлары ауруларын диагностикалаудың дәлдігі мен сенімділігін арттырады. Жаңа алгоритмдер ЭКГ сигналдарын өңдеу сапасын жақсартып, кедергілер деңгейін төмендетіп, жүрек патологияларын анықтауды жақсартады, бұл ауруларды ерте кезеңде анықтауға және диагнозды дәл қоюға мүмкіндік береді. Диагностикалық дәлдік 95%-ға дейін артады деп болжануда, бұл қайта тексерулер қажеттілігін азайтады. Процестерді автоматтандыру медицина қызметкерлерінің уақытын үнемдеп, диагностика процесін жылдамдатады, осылайша медициналық қызметтердің жалпы тиімділігін жақсартады.

Жоба мақсаты

Жұмыстың мақсаты – электрокардиографиялық (ЭКГ) сигналдарды өңдеу мен талдаудың жаңа әдістерін әзірлеу арқылы жүрек-қан тамырлары ауруларын диагностикалаудың дәлдігі мен сенімділігін арттыру.

Күтілетін және қол жеткізілген нәтижелер

Алынған нәтижелер ЭКГ сигналдарын өңдеудің жаңа алгоритмдерін әзірлеуді және олардың кедергілерге төзімділігін арттыруды, маңызды сегменттерді автоматты түрде анықтауды және сигналдың негізгі компоненттерін дәл сегментациялауды қамтиды. Жұмыстың жаңалығы – жүрек-қан тамырлары ауруларын дәл диагностикалау үшін нейрондық желілер мен бейімделетін фильтрация әдістерін қолдану арқылы ЭКГ талдау сапасын айтарлықтай жақсарту және диагностиканың сенімділігін арттыру.

Зерттеу тобы мүшелерінің аты-жөні, идентификаторлары (Scopus Author ID, Researcher ID, ORCID, бар болса) және сәйкес профильдерге сілтемелер