Энергетика кафедрасының түлектері

"Энергетика" кафедрасы Қазақстан Республикасының дамуына үлкен үлес қосып жүрген түлектерін мақтан етеді. Олардың арасында энергетика және ел экономикасының басқа да салаларында жұмыс істейтін белгілі ғалымдар, тәжірибелі өндірушілер, табысты кәсіпкерлер мен жоғары білікті мамандар бар.

Кафедра түлектері энергетика саласының жетекші кәсіпорындарында, өнеркәсіпте және Қазақстанның мемлекеттік басқару органдарында ірі басшылық лауазымдарда қызмет атқарады.

Кафедра түлектерінің арасында белгілі мемлекет қайраткерлері – ҚР ҰҚК төрағасы Е.А. Сағымбаев, ҚР Энергетика министрлігінің Жаңартылатын энергия көздері департаментінің директоры А. Қ. Құланбай, Қызылорда қаласы әкімінің орынбасары Р.А. Нұрмағанбетов, ҚР Төтенше жағдайлар жөніндегі бұрынғы министрі В. П. Божко, ҚР Ішкі істер министрінің бұрынғы орынбасары К. С. Тыныбеков бар.

Қазіргі уақытта кафедраның мақтанышы: «Ақтау трансформатор зауыты» ЖШС директоры және Ақтау қ-ғы «Alageum Electric» ЖШС филиалының директоры Б.А. Мұхамедов, «Сайман» корпорациясының директоры және тең құрылтайшысы М. Т. Ошақбаев, «AS-Energy Construction» ЖШС компаниясының құрылтайшысы және техникалық директоры Н. О. Ибраев, «Alageum sales» ЖШС Алматы қ-ғы филиалы Н.О. Жасыбаев және т. б.