Роботты техника және автоматиканың техникалық құралдары кафедрасы
Кафедраның тарихы
Ақпараттық және телекоммуникациялық технологиялар институтының «Робототехника және автоматиканың техникалық құралдары» кафедрасы 1991 жылдан өз бастамасын алды, ол «Робототехникалық жүйелер мен кешендер» кафедрасы болып «Автоматика және басқару жүйелері» факультетінің құрамында «Робототехникалық жүйелер мен кешендер» мамандығы бойынша жүйелік техник инженерлерді даярлау мақсатында ұйымдастырылған. Бұл мамандық бойынша инженерлерді даярлау 1988 жылы басталды. 2001 жылы «Мехатроника және робототехника» кафедрасы ұйымдастырылды. Содан кейін 2002 жылы маусымда «Мехатроника және робототехника» кафедрасы (МжРК), «Электроника және есептеу құралдары» кафедрасы (ЭжЕҚ) бірігуі нәтижесінде «Электроника, мехатроника және робототехника» кафедрасы құрылды. Бұл кафедраның аты 2007 жылы өзгертіліп, содан бері «Роботты техника және автоматиканың техникалық құралдары» деп аталды.
Кафедраның негізін қалаушы белгілі ғалым-оқытушы, профессор Иванов К.С.
2001-2013 ж. аралығында кафедра меңгерушісі қызметін профессор Шоланов Қ.С. атқарды.
2013 ж. қыркүйектен бастап қазіргі уақытқа дейін кафедра меңгерушісі профессор Өжікенов Қасымбек Әділбекұлы.
Кафедраның мақсаттары мен міндеттері
Кафедраның мақсаты - оқытушылардың ғылыми-педагогикалық біліктілігін арттыру, оқытудың заманауи білім беру технологияларын енгізу, білім алушыларға үнемі халықаралық білім беру стандарттарына сәйкес қызметтер ұсынуды жүзеге асыру.
Міндеттері:
- ұлттық және жалпыадамзаттық құндылықтар, ғылым мен практика жетістіктері негізінде жеке тұлғаны қалыптастыруға, дамытуға және кәсіби дамытуға бағытталған таңдаған мамандығы бойынша сапалы білім алу үшін қажетті жағдайлар жасау;
- кәсіптік білімнің еңбек нарығының өзгермелі қажеттіліктеріне тез бейімделуіне ықпал ететін және әр оқушының жеке әлеуетін барынша арттыруға көмектесетін жаңа технологияларды оқытуға енгізу және тиімді пайдалану;
- кафедраның кадрлық әлеуетін дамыту, кафедраның профессорлық-оқытушылық құрамының ғылыми-педагогикалық біліктілігін арттыру, кафедра имиджін нығайту.
«Роботты техника және автоматиканың техникалық құралдары» кафедрасы Қ.И. Сәтбаев атындағы ҚазҰТЗУ-дың ең ірі түлектендіруші кафедраларының бірі, үш деңгейлі білім беру жүйесінде ел экономикасының жоғары технологиялық салалары үшін бәсекеге қабілетті мамандар дайындайды.
Оқытудың барлық деңгейлерінде білімді жоғары білікті оқытушылар құрамы жүргізеді.
РТжАТҚ кафедрасының ғылыми-зерттеу жұмысы
Кафедрада бірнеше бағыттар бойынша ғылыми-зерттеу жұмыстары жүргізіледі, оның ішінде:
- биомедициналық жабдықтар мен технологияларды әзірлеу және құру;
- ауыл шаруашылығында техника мен технологияларды дамыту;
- есептеу және бақылау құрылғыларын жасау және құру.
«Роботты өзің жаса» студенттер ғылыми клубы және «Робототехник» клубы жұмыс істейді. Ғылыми саясаттың басты мақсаты: жақсы дайындалған ғылыми кадрлар контингентін қалыптастыру және жоғары білімнің жетекші функциясы - білімді жинақтау, дамыту және тарату міндеті. Ғылыми саясат пен жоғары білімнің мақсаттары мен міндеттері бір-бірімен байланысты. Бұл мақсаттар ғылыми зерттеулер университет білімінің ажырамас бөлігі болған кезде қол жеткізіледі.
Білім беру бағдарламалары
-
Бакалавриат
-
Магистратура
-
Докторантура
-
Қашықтықтан білім беру
