Мұнай инженериясы кафедрасы
"Мұнай және газ кен орындарын игеру және пайдалану" кафедрасы 1965 жылы техника ғылымдарының докторы, профессор Г.А. Халиковтың басшылығымен құрылды. Кафедра Қазақстанда жетекші болып табылады және мұнай-газ саласының барлық мамандықтары бойынша мұнай және газ кен орындарын игеру және пайдалану бойынша мамандар даярлайды. 55 жылдық тарихында кафедра республиканың мұнай-газ саласы үшін 10000-нан астам маман шығарды.
2016 жылы үш кафедраны қайта құру және біріктіру нәтижесінде "мұнай және газ кен орындарын игеру және пайдалану" кафедрасының базасында "мұнай инженериясы"кафедрасы ұйымдастырылды.
Әр жылдары кафедраны көрнекті ғалымдар, профессорлар Б.С. Толыбеков, М.М. Майлыбаев, С.К. Әбішев, М.О. Омаров, Т.К. Ахмеджанов, М.К. Сыздықов, Ж. Даиров басқарды.
2021 жылдан бастап, кафедра меңгерушісі» профессор Елигбаева Г. Ж. басқаруда.
Кафедрада ғылыми саладағы және мұнай және газ индустриясындағы ғылыми-техникалық жетістіктерімен танымал профессорлар мен оқытушылар жұмыс атқарылуда.
Мұнай инженериясы кафедрасының индустриялық серіктестері әлемнің және Қазақстанның жетекші мұнай-газ саласындағы компаниялары болып табылады: "ҚазМұнайГаз" ҰК АҚ; "QazaqGaz" ҰК АҚ; "Теңізшевройл" ЖШС; "Eni"; "Shell Kazakhstan", ""Schlumberger Лоджелко Инк."Қазақстан"; "Agip Karachaganak"; "KazPetroDrilling"; "Baker Hughes Kazakhstan" ЖШС;
2017 жылдан бастап Satbayev University жанынан оқу және әкімшілік процестерді жетілдіру бойынша ұсыныстар беру үшін Индустриялық-Консультативтік Кеңес (ИКС) құрылды.
Кафедрада х-ның қаржылық қолдауымен Colorado School of Mines оқытушыларымен бірлесіп халықаралық стандарттарға сәйкес "Petroleum Engineering" бакалавриаттың білім беру бағдарламасы әзірленді. "Petroleum Engineering" білім беру бағдарламасы қазіргі уақытта QS университеттерінің әлемдік рейтингінде 51-100 орын алады.
Мұнай инженериясы кафедрасының барлық білім беру бағдарламалары (ББ) мұнай-газ саласындағы жетекші компаниялармен бірлесіп әзірленді және инженерия, Информатика, жаратылыстану ғылымдары және математика саласындағы білім беру бағдарламаларын аккредитацияланған жөніндегі халықаралық агенттік (ASIIN) және білім берудегі сапаны қамтамасыз ету жөніндегі тәуелсіз агенттік (IQAA) аккредитациясын өтті.
Кафедраның бакалавриат білім беру бағдарламалары (ББ):
- 6B07204 – «Мұнай инженериясы» (ASIIN аккредитациясын өтті)
- 6В07126- «Магистральдық желілер және инфрақұрылым ("ҚазМұнайГаз" ҰК АҚ бірлесіп құрастырылған)
-6В07214- «Бұрғылау инженериясы» ("Өзенмұнайгаз" АҚ, "Волковгеология" АҚ,"Қазгермұнай" БК ЖШС бірлесіп құрастырылған).
Кафедраның магистратура беру бағдарламалары (ББ):
- 7М07202 - Мұнай инженериясы (2 ж. о.) (Инженерия, информатика, жаратылыстану ғылымдары және математика саласындағы білім беру бағдарламаларын аккредиттеу жөніндегі халықаралық агенттікпен аккредитациясын өтті (ASIIN);
- 7М07212 - Мұнай инженериясы (1,5 ж. о.) ("Шелл Қазақстан Б.В." бірлесіп құрастырылған https://www.shell.com.kz, "ҚазМұнайГаз Жоба" ЖШС )
- 7М07213 - Мұнай инженериясы (1 ж. о.) ("ҚазМұнайГаз Жоба" ЖШС "Шелл Қазақстан Б.В." бірлесіп құрастырылған);
- 7М07146 - Газ инженериясы (2 ж. о.), ("QazaqGaz "ҰК"АҚ-мен бірлесіп құрастырылған);
Кафедраның PhD докторантура беру бағдарламалары (ББ):
- 8D07202-Мұнай инженериясы (IQAA аккредитациясын өтті»)
Жетекші мұнай компаниялары базалық кафедра түлектерін ұйымның құрылымдық бөлімшелеріне жұмысқа орналастыруға жәрдемдеседі. Кадрлық резервті қалыптастыру үшін кәсіпорын қызметкерлері үшін біліктілікті арттыру курстары өткізіледі, "ҚМГ Инжиниринг" ЖШС-де кафедра филиалы ұйымдастырылды, оның негізінде "KMG School"жұмыс істейді.
Кафедра студенттері университеттің академиялық ұтқырлық бағдарламаларына белсенді қатысады және әлемнің жетекші жоғары оқу орындарында білім алады: Лотарингия университеті; Sains Malaysia университеті; Ченстохов политехникалық университеті; Кёнсан ұлттық университеті
Жыл сайын кафедраның магистранттары мен докторанттары үздік шетелдік жоғары оқу орындарында шетелдік тағылымдамадан өтеді: PennState University; Colorado School of Mines; Уфа мемлекеттік мұнай техникалық университеті; Universiti Putra Malaysia Serdang; Әзірбайжан ҰҒА Мұнай және газ институты; Eindhoven University of Technology; Khalifa University of Science and technology.
Шетелдік профессорлар кафедра докторанттарының зерттеу жұмыстарына жетекшілік жасайды. Кафедра ғалымдары шетелдік профессорлармен бірлесіп оқу құралдарын шығарады және бірлескен мақала жарияланымдарды жүзеге асырады.
"Мұнай инженериясы" кафедрасының студенттері халықаралық деңгейде ғылыми зерттеулер жүргізуде және халықаралық мұнай инженерлері қоғамы -"SPE" секциясының мүшелері болып табылады. Мұнай инженерлері қоғамы (Society of Petroleum Engineers) – мұнай өнеркәсібі техниктерінің халықаралық ұйымы. Қоғамның негізгі мақсаты мұнай кен орындарын барлау және игеру саласында білімдерін арттыру, жаңа технологияларды дамыту. SPE мүшелері 100 мыңнан астам адам, оның ішінде 28 мыңнан астам студент.
Кафедра студенттері мен қызметкерлері халықаралық және өңірлік ғылыми-практикалық конференциялар мен форумдарға үнемі қатысып, шәкірт ақы атанып, Қазақстан мен әлемнің жетекші мұнай-газ компанияларының гранттарын ұтып алады.
Білім беру бағдарламалары
-
Бакалавриат
-
Магистратура
-
Докторантура
-
Қашықтықтан білім беру
