Заңгерлік қамтамасыз ету секторы

Заңгерлік қамтамасыз ету секторы (бұдан әрі - сектор) "Қ.И.Сәтбаев атындағы Қазақ ұлттық техникалық зерттеу университеті" КЕАҚ (бұдан әрі -Университет немесе ҚазҰТЗУ) Заңгерлік қамтамасыз ету және мемлекеттік сатып алу басқармасының құрылымдық бөлімшесі болып табылады.

Сектор штаты меңгерушіден, бас заң кеңесшілерінен, жетекші заң кеңесшісінен, заң кеңесшісінен тұрады. Сектор қызметкерлері арасында міндеттерді бөлуді сектор меңгерушісі сектордың жүктемесіне, жұмыс көлеміне және лауазымдық нұсқаулықтарға сәйкес жүзеге асырады. Секторды ішкі нормативтік құжаттарда және қолданыстағы еңбек заңнамасында белгіленген тәртіппен уәкілетті тұлғаның ұсынысы бойынша қызметке тағайындалатын және қызметтен босатылатын Сектор меңгерушісі басқарады. Сектор өз қызметінде Заңгерлік қамтамасыз ету және мемлекеттік сатып алу басқармасының бастығына бағынады.

Сектордың қызметі:

• Қазақстан Республикасының 1995 жылғы 30 тамыздағы Конституциясымен;
• Қазақстан Республикасының 2015 жылғы 23 қарашадағы №414-V Еңбек кодексімен;
• Қазақстан Республикасының 2007 жылғы 27 шілдедегі №319-III "Білім туралы" ҚРЗ Заңымен;
• Қазақстан Республикасының 2011 жылғы 18 ақпандағы №407-lV "Ғылым туралы" Заңымен;
• Қазақстан Республикасының 2015 жылғы 18 қарашадағы №410-V "Сыбайлас жемқорлыққа қарсы іс-қимыл туралы" Заңымен;
• Қазақстан Республикасының 1997 жылғы 11 шілдедегі №151"Қазақстан Республикасындағы тіл туралы" Заңымен;
• Қазақстан Республикасының 2011 жылғы 01 наурыздағы №413-IV "Мемлекеттік мүлік туралы" Заңымен;
• Қазақстан Республикасының 2003 жылғы 13 мамырдағы №415-II "Акционерлік қоғамдар туралы" Заңымен;
• Қазақстан Республикасының 2001 жылғы 16 қаңтардағы №142-II "Коммерциялық емес ұйымдар туралы"  Заңымен;
• Қазақстан Республикасының 2001 жылғы 16 шілдедегі №242-II "Қазақстан Республикасындағы сәулет, қала құрылысы және құрылыс қызметі туралы" Заңымен;
• Қазақстан Республикасының   2014 жылғы  16 мамырдағы №202-V "Рұқсаттар және хабарламалар туралы" Заңымен;
• Өндірістік-шаруашылық және қаржы-экономикалық қызметті регламенттейтін заңнамалық және өзге де нормативтік құқықтық актілермен;
• ҚР БжҒМ министрінің 2021 жылғы 16 ақпандағы №57 бұйрығымен бекітілген "Қ.И.Сәтбаев атындағы Қазақ ұлттық техникалық зерттеу университеті" КЕАҚ Жарғысымен реттеледі.

Сектордың мақсаты:

• Университет қызметін тиімді құқықтық және құжаттамалық қамтамасыз етуді ұйымдастыру;
• ҚазҰТЗУ-дың құқықтары мен заңды мүдделерін заң жүзінде қорғау болып табылады.
• Заңдылықтың сақталуын қамтамасыз ету жөніндегі міндеттерді орындау үшін секторға келесідей функциялар жүктелген:
• құқықтық мәселелерді қарау кезінде сотта, сондай-ақ басқа да мемлекеттік органдар мен ұйымдарда Университеттің мүдделерін белгіленген тәртіппен ұсыну;
• Басқарма шешімдерінің, бұйрықтардың, шарттардың өкімдерінің, Университеттің ішкі нормативтік құжаттарының жобаларын Сектор қызметінің бейіні бойынша дайындау, оларды белгіленген тәртіппен келісуге және бекітуге шығару;
• тиісті заңды қорытындыға қол қою немесе жазу арқылы өзге құрылымдық бөлімшелер дайындаған бұйрықтардың, шарттар өкімдерінің, ішкі нормативтік құжаттардың жобаларына заң жүзінде сараптама жасау;
• Университеттің құрылымдық бөлімшелерінің ұсыныстары негізінде талап-арыз жұмысын ұйымдастыру және жүргізу;
• ҚазҰТЗУ басшылығының сұрау салулары бойынша құқықтық мәселелер бойынша консультациялар, түсініктемелер мен қорытындылар беру; қолданыстағы заңнама және практика бойынша ақпараттық материалдарды жіберу, шағымдарды қарауға қатысу, тиісті өтініштерді қарау жөніндегі комиссиялардың құрамына кіру;
• Мемлекеттік сатып алу процесін, ПОҚ іріктеу жөніндегі конкурстық комиссияның, тәртіптік комиссияның, өзге де комиссиялар мен бизнес процестердің жұмысын заң жүзінде сүйемелдеу;
• заңи сипаттағы мәселелер бойынша еншілес ұйымдармен өзара іс-қимыл жасау.

Байланыс:

1. Сектор меңгерушісі: ішкі тел.номеры 72-16, каб. 214 МҒ;

2. Бас заң кеңесші: ішкі тел.номеры 72-16, каб. 214 МҒ;

З. Бас заң кеңесші, жетекші заң кеңесші: ішкі тел.номеры 72-84, каб. 216 МҒ.