Инженерлік жүйелер мен желілер кафедрасы

Тарих

Қазақ политехникалық институтында біздің мамандығымыз бойынша инженерлік кадрларды даярлау 1963 жылдан бастап, құрылыс факультетінде «Жылугазбен жабдықтау және желдету» мамандығы болып ашылған. 1980 жылы құрылыс және сәулет факультеттерінің негізінде Алматы сәулет-құрылыс институты құрылды. Институт мамандықтары негізінде санитарлық-техникалық факультет құрылды, содан кейін "Сумен жабдықтау және кәріз" мамандығы ашылды.

2002 жылы Қ.И. Сәтбаев атындағы ҚазҰТУ-те 430540 - «Жылугазбен жабдықтау, желдету және қоршаған ортаны қорғау»; 430640 – «Сумен жабдықтау, су бұру және су ресурстарын қорғау» мамандықтары бойынша мамандар даярлау қайта басталады. 2003 жылы «Инженерлік жүйелер және қоршаған ортаны қорғау» бітіруші кафедрасы ұйымдастырылып, 2008 жылдан бастап «Гидрогеология және инженерлік геология» кафедрасымен бірлесіп «Су ресурстары және суды пайдалану» мамандығы бойынша даярлауды бастайды. 2011 жылы кафедра аты «Инженерлік жүйелер және желілер» болып өзгертілді.

2012 жылы кафедра сумен жабдықтау және кәріз, жылугазбен жабдықтау және желдету бағыттары бойынша 5В075200 – «Инженерлік жүйелер мен желілер» жаңа мамандығын ашып, лицензия алды.

2021 жылы кафедрада 6В11201 және 7М11201 «Өндірістегі гигиена және еңбекті қорғау» білім бағдармасы ашылды, бұл білім бағдармасы 5В073100 «ТҚжәнеҚОҚ» мамандығы негізінде құрылған.

Кафедрада «Инженерлік жүйелер мен желілер» және "Өндірістегі гигиена және еңбекті қорғау» мамандықтары бойынша білімдерін бекіту және зерделеу бойынша үлкен зертханалық база бар, кафедрада қазақ, орыс және ағылшын тілдерінде зертханалық стендтер каталогы шығарылды.

Мақсаты: ғимараттар мен құрылыстардың инженерлік жүйелері халықтың және басқа салалардың тіршілік әрекетінің маңызды жүйесі болып табылады. Инженерлік жүйелер - жылумен, газбен, сумен және пайдаланылған ағынды суларды әкетуді  қамтамасыз ете отырып, жайлы өмір сүру жағдайларын жасайды. Ғимараттар мен құрылыстардың микроклиматы құрылыс ғылымы мен техникасының негізгі салаларының бірі болып табылады. Инженерлік жүйелер су ресурстары мен ауа бассейнін қорғауды қамтамасыз етеді. Энергияны үнемдеу мәселесі қолданыстағы энергияны үнемдеу және ауа шығарындылары туралы Заң негізінде жасалған ғимараттарды жылудан қорғау туралы қаулыда бекітілген. Осыны ескере отырып, ғимараттардың инженерлік жабдықтарының барлық жүйелері жобалануы және құрылуы керек. Салынып жатқан объектілерді термиялық қорғауға көбірек көңіл бөлу аясында инженерлік жүйелер маңызды бола түсуде.

Мамандарды даярлау міндеттері жобалау жұмыстарына қатысуға, сондай-ақ жылыту, желдету және ауаны баптау, сумен жабдықтау, кәріз, жылумен жабдықтау, газбен жабдықтау және қазандық жүйелерін пайдалану және монтаждау, сондай-ақ осы жүйелерді реконструкциялау жөніндегі жұмыстарды орындауға бағытталған.

Өндірістегі гигиена және еңбекті қорғау тіршілік қауіпсіздігінің маңызды бөлігі болып табылады және өнеркәсіптік қауіпсіздік, өндірістегі гигиена және еңбекті қорғау, өнеркәсіптік экология және табиғи, техногендік, әлеуметтік және биологиялық сипаттағы төтенше жағдайлар кезінде жұмыстарды ұйымдастыру сияқты салаларда құзыреттері мен дағдылары бар мамандарды даярлауға арналған.

Өндірістегі гигиена және еңбекті қорғау саласындағы заманауи мәселерді тұжырымдап  шеше алатын, қауіпсіздіктің әлеуметтік, ғылыми және өндірістік мәдениетінің жоғары деңгейі бар жоғары білікті мамандарды даярлау маңызды мәселе болып табылады.

 

Миссия  және стратегия

Кафедраның миссиясы Қазақстан Республикасының халық шаруашылығында және техносфералық қауіпсіздікте кәсіби қызметті жүзеге асыру үшін кең бейінді мамандарды даярлауды жүзеге асыру болып табылады.

Халық шаруашылығы үшін мамандар даярлау келесі мәселерді қамтиды:

- жылыту, желдету және ауаны баптау жүйелері, жылумен жабдықтау және газбен жабдықтау, сумен жабдықтау және кәріз жүйелері, қазандық қондырғылары бойынша, сондай-ақ ғимараттар мен құрылыстардың инженерлік жүйелерін реконструкциялау бойынша жобалау жұмыстары;

- жылыту, желдету және кондиционерлеу жүйелерін, қазандық қондырғыларын, газбен жабдықтау және жылумен жабдықтау, сумен жабдықтау және кәріз желілерін пайдалану, жөндеу және баптау міндеттерін шешу жөніндегі өндірістік қызмет;

- қала әкімдіктерінің құрылыс бөлімдерінде, мемлекеттік Архқұрылыс, құрылыс комитетінде және басқа да мемлекеттік мекемелерде және тікелей өнеркәсіптік кәсіпорындарда және экологияда әкімшілік қызмет;

- орта кәсіптік оқу орындарында құрылыс саласы үшін мамандар даярлаудағы педагогикалық қызмет.

Кафедра ТМД (Ресей, Қырғызстан, Өзбекстан, Беларусь, Әзірбайжан) және алыс шетелдермен (Түркия, Сербия, Польша, Малайзия) кең халықаралық байланыстарға ие.

Өндірістегі гигиена және еңбек қорғау мамандығы бойынша даярлау міндеттері: өнеркәсіптік кәсіпорындардың, ұйымдар мен мекемелердің өндірістік қауіпсіздік және еңбекті қорғау қызметін ұйымдастыру; өнеркәсіптік кәсіпорындардың, мекемелер мен ұйымдардың азаматтық қорғаныс қызметі; өндірістік объектілер қызметкерлерінің еңбек жағдайларын бағалау; қауіпсіздік декларациясын әзірлеу үшін өнеркәсіптік кәсіпорындардың, технологиялық процестер мен жабдықтардың ықтимал қауіптілік деңгейін айқындау бойынша іргелі дайындық; өндірістік кәсіпорындардағы өндірістік қауіпсіздік пен еңбекті және қоршаған ортаны қорғаудың жай-күйін және төтенше жағдайлар кезіндегі экономика объектілерінің тұрақтылығын бақылау болып табылады.

Кафедрада 16 оқытушы жұмыс істейді: 4 ғылым докторы, профессорлар, олардың ішінде:

- М. Мырзахметов - академик, Мемлекеттік сыйлықтың лауреаты;

- Ж. Қасымбеков - академик, «Қазақстан Республикасының еңбек сіңірген өнертапқышы»;

- 10 - ғылым кандидаттары, қауымдастырылған профессорлар және 2 - ассистент бар.

Соңғы жылдары кафедраның профессорлық-оқытушылық құрамы 5 оқулық, 30-дан астам оқу құралдары мен әдістемелік құралдар шығарды. Кафедрада Қазақстан Республикасының жоғары оқу орындары арасында «Үздік оқытушы» сыйлығының 2 лауреаты жұмыс істейді (М. Мырзахметов - академик, т.ғ.д., Ж.К. Қасымбеков - профессор, т.ғ.д.).

«Инженерлік жүйелер және желілер» кафедрасы келесі білім беру бағдарламалары бойынша мамандар даярлайды:

  • БББТ В074 Қала құрылысы, құрылыс жұмыстары және азаматтық құрылыс:
  • ББ 6В07304 - «Инженерлік жүйелер және желілер» (бакалавриат);
  • БББТ М127 ББ 7М07304 - «Инженерлік жүйелер және желілер» (магистратура);
  • БББТ D127 ББ 8D07304 - «Инженерлік жүйелер және желілер» (докторантура).
  • БББТ В094 Санитарлық-профилактикалық іс-шаралар:
  • ББ 6В11201 – «Өндірістегі гигиена және еңбекті қорғау» (бакалавриат).
  • БББТ М150 Санитарлық-профилактикалық іс-шаралар:
  • ББ 7М11201 – «Өндірістегі гигиена және еңбекті қорғау» (магистратура).

«Инженерлік жүйелер және желілер» кафедрасының меңгерушісі техника ғылымдарының кандидаты, қауымдастырылған профессор К.К. Алимова – практикалық және ғылыми-педагогикалық қызметте мол тәжірибесі бар маман.

isiskaf@satbayev.university

Жоғары

Қате кетті!

Жолдарды дұрыс толтыруға тырысыңыз.

Қате кетті!

Файл өлшемінің максималды шегінен асты.

Сіздің мәліметтеріңіз сәтті жіберілді!

Жақын арада біз Сізбен хабарласамыз.

Сіздің мәліметтеріңіз сәтті жіберілді!

Электрондық пошта мекенжайыңызға растау хаты жіберілді. Электрондық пошта мекен-жайыңызды растауды ұмытпаңыз.

Аудармасы жоқ


Басты парақшаға өту