Программалық инженерия кафедрасы

«Бағдарламалық инженерия» кафедрасының тарихы 1987 жылы басталады. Сол жылы университетте «Информатика және қолданбалы математика» кафедрасы құрылып, оны Қазақстан Республикасының еңбек сіңірген ғылым және техника қайраткері, техника ғылымдарының докторы, профессор Асаубаев Канат Шайханович басқарды.

1989 жылдың қыркүйегінде 370440 – «Есептеу техникасы мен автоматтандырылған жүйелердің бағдарламалық қамтамасыз етілуі» мамандығы ашылып, инженер-бағдарламашы біліктілігі берілді. Бұл кафедраны бағдарламалық қамтамасыз ету саласында мамандар дайындаудың жетекші орталығына айналдырды.

1995 жылы кафедра «Информатика» кафедрасы деп аталып, оны техника ғылымдарының докторы, профессор Шуакаев Марат Капашевич басқарды.

2003 жылы 010540 – «Информатика» мамандығын ашу және білім алушыларды қабылдау бойынша лицензия алынды. Кафедраны техника ғылымдарының докторы, профессор Ускенбаева Раиса Кабиевна басқарды.

2004 жылы кафедрада білім берудің барлық деңгейлерінде несиелік оқыту технологиясы енгізілді.

2005 жылы профессор Р.К. Ускенбаеваның бастамасы бойынша кафедра бітіретін мамандықтарға сәйкес «Жүйелер мен желілердің бағдарламалық қамтамасыз ету» кафедрасы деп аталды.

2012 жылдың наурызынан бастап кафедраны техника ғылымдарының кандидаты Бейсембекова Роза Нуралиевна басқарды.

2013-2014 оқу жылында университеттің ұйымдық құрылымының өзгеруіне байланысты кафедра «Компьютерлік және бағдарламалық инженерия» деген жаңа атау алды.

2016 жылдың тамызынан бастап кафедраны физика-математика ғылымдарының докторы Атымтаева Ляззат Бахитовна басқарса, 2018-2020 жж. кафедраны техника ғылымдарының кандидаты Расул Юнусов басқарды.

2019 жылы кафедра қазіргі атауына ие болды – «Бағдарламалық инженерия».

2020 жылдың маусымынан бастап кафедраны PhD докторы Мұса Тұрдалыұлы басқарды.

2021 жылдың 21 қыркүйегінен 2023 жылдың 1 қыркүйегіне дейін «Бағдарламалық инженерия» кафедрасын физика-математика ғылымдарының кандидаты Молдагулова Айман Николаевна басқарды.

2023 жылдың 1 қыркүйегінен 2025 жылдың 1 қазанына дейін кафедра меңгерушісі техника ғылымдарының кандидаты Абдолдина Фарида Наурызбаевна болды.

2025 жылдың 1 қазанынан бастап кафедра меңгерушісінің міндеттерін PhD, қауымдастырылған профессор Утегенова Анар Урантаевна атқарып келеді.

Кафедра бағдарламалық жасақтаманы әзірлеу саласындағы кең тәжірибесі бар, өнеркәсіптік және ғылыми-зерттеу жобаларымен тығыз байланыстары бар білікті оқытушылар мен мамандармен ұсынылған.

Кафедраның негізгі мақсаттары мен міндеттері - бағдарламалық инженерия, деректерді талдау және машиналық оқыту саласында білікті мамандар мен ғалымдар даярлау, сондай-ақ халықаралық стандарттарға сәйкес білім беру процесінің жоғары сапасын қамтамасыз ету.

Кафедра түлектері кәсіби құзыреттілігінің жоғары деңгейіне ие және еңбек нарығында сұранысқа ие. Олардың көпшілігі Facebook, Google, Microsoft, Oracle, IBM, Apple және басқа да жетекші халықаралық компанияларда сәтті жұмыс істейді.

Кафедраның білім беру бағдарламалары заманауи ғылыми және технологиялық тенденцияларға сәйкес үнемі жетілдіріліп отырады, бұл ақпараттық технологиялар саласында өзін тиімді жүзеге асыра алатын және ғылым мен инновацияларды дамытуға елеулі үлес қоса алатын жоғары деңгейлі мамандарды даярлауды қамтамасыз етеді.

Кафедра келесі шет ел университеттерімен белсенді ынтымақтастық жасайды: [Карнеги-Меллон университеті](https://www.cmu.edu/), Компьютерлік ғылымдар мектебі, Халықаралық бағдарламалық жасақтама институты, АҚШ; [Оксфорд университеті, Лондон, Ұлыбритания](https://www.ox.ac.uk/); [Қолданбалы ғылымдар университеті, Амберг-Вайден, Германия](https://www.oth-aw.de/en/); [Қолданбалы ғылымдар университеті, Шмалькальден, Германия](https://www.hs-schmalkalden.de/en/); [Сувон университеті, Оңтүстік Корея](https://www.skku.edu/eng/index.do); [Шыңжьяң университеті, Үрімжі, Қытай](https://english.xju.edu.cn/); [Небраска университеті, Линкольн, АҚШ](https://www.unl.edu/); [Авейру университеті, Португалия](https://www.ua.pt/); [Санкт-Петербург ақпараттық технологиялар, механика және оптика зерттеу университеті, Санкт-Петербург, Ресей](https://itmo.ru/); [Пенза мемлекеттік университеті, Ресей](https://www.pnzgu.ru/); Қазақстан-ресей энергия үнемдейтін және ноосфералық технологиялар ғылыми-техникалық кешені, Пенза, Ресей және басқалары.

Кафедра студенттері кәсіби дайындығының жоғары деңгейін көрсетіп, ақпараттық технологиялар бойынша ғылыми конференцияларға, байқауларға және олимпиадаларға белсенді қатысады.

2025 жылы кафедра командасы Satbayev University ұйымдастырған SU Coding Cup 2025 интеллектуалдық жарысына қатысып, жүлделі орындарға ие болып, лайықты нәтижелер көрсетті.

Мұндай іс-шараларға қатысу кәсіби құзыреттілікті, сыни тұрғыдан ойлауды және командалық әрекеттесу дағдыларын дамытуға ықпал етеді.

Кафедра студенттердің зерттеу әлеуетін және кәсіби өсуін арттыруға бағытталғ бастамаларын жүйелі түрде қолдайды.

Мақсаттар

Білім берудің үш деңгейінде: «6B06102 - Computer Science» (бакалавриат), «7М06102 - Machine Learning and Data Science» (магистратура) «7М06101 - Software Engineering» (магистратура), «8D06102 - Machine Learning and Data Science» (докторантура), «8D06101 - Software Engineering» (докторантура)  мамандығы бойынша түлектердің бәсекеге қабілеттілігіне қол жеткізу үшін жоғары сапалы оқу процесін қамтамасыз ету, әлемдік білім беру кеңістігінде және еңбек нарығының заманауи талаптарына және әлемдік білім беру стандарттарына сәйкес келетін бағдарламалық жасақтама инженериясы, деректерді талдау және машиналық оқыту саласындағы зерттеушілерді тарту.

Міндеттер

• кафедра түлектерінің жұмысқа орналасу деңгейі мен кәсіби бейімделуін арттыру арқылы Қазақстан Республикасының білім беру қызметтері нарығында және халықаралық білім беру кеңістігінде бәсекеге қабілеттілігін қамтамасыз ету;

• білім, ғылым және өндірісті біріктіру, рецензияланатын ғылыми журналдар мен халықаралық конференция материалдарындағы жарияланымдар санын көбейту мақсатында кафедра профессор-оқытушылар құрамының ғылыми-зерттеу қызметінің тиімділігі мен сапасын арттыру;

• жетекші шет ел университеттерімен, зерттеу орталықтарымен және әлемдік IT-компанияларымен өзара тиімді ынтымақтастық орнату арқылы кафедраны әлемдік білім беру процесіне біріктіруді қамтамасыз ету;

• студенттердің практикалық дайындығының сапасын арттыру және ғылыми зерттеулерді дамыту мақсатында өнеркәсіптік серіктестермен өзара әрекеттесу туралы келісім-шарттарды жасасу мен іске асыру үшін жағдайлар жасау және қолдау (жылына 1-2 жаңа келісім).

isoft@satbayev.university