Ақпараттық жүйелер кафедрасы

«Ақпараттық жүйелер» кафедрасы — Satbayev University-дің негізгі бітіруші кафедраларының бірі. Ол интеллектуалды ақпараттық жүйелер саласындағы жаңа буынның жоғары білікті мамандарын, сондай-ақ Қазақстан Республикасы мен халықаралық қоғамдастық экономикасының цифрлық трансформациясын қамтамасыз етуге қабілетті AI (жасанды интеллект) ақпараттық жүйелерін жобалау, әзірлеу және басқару саласындағы зерттеушілерді даярлауға бағытталған. Интеллектуалды ақпараттық жүйелерді дамыту кафедраның стратегиялық бағдары болып табылады.

1962 жылы Қазақ политехникалық институтында «Автоматика және есептеу техникасы» факультеті құрылды. Оның құрамына автоматика және телемеханика, есептеу техникасы, радиоэлектроника және электрондық техника кафедралары кірді. «Есептеу техникасы» кафедрасы бастапқыда МСП бағыты бойынша инженерлерді даярлады, кейін бұл бағыт алдымен «Электрондық есептеу машиналары», одан соң «Есептеу машиналары, кешендері, жүйелері және желілері» мамандығына ауналындырылған.

Кафедраны әр жылдары жетекші мамандар басқарды: бастапқыда доцент Бричкин Л.А., кейін доцент Винокуров Л.А. 1971 жылы кафедра уақытша техникалық кибернетика кафедрасының құрамына енгізілді, алайда 1975 жылы қайта қалпына келтірілді. Тынымбаев С.Т. басшылық еткен кезеңде есептеу техникасы мен ақпараттық технологиялар бағыттары қарқынды дамыды, ғылым мен өнеркәсіпке арналған зерттеулер жүргізілді, сондай-ақ ірі ұйымдармен ынтымақтастық орнатылды. Кафедра КСРО аумағындағы мамандар даярлайтын ірі орталықтардың біріне айналды.

Кейін факультет пен кафедра білім беру бағыттарын кеңейтіп, ақпараттық қауіпсіздік пен бағдарламалық қамтамасыз ету салаларын қамтыды, сондай-ақ шетелдік студенттерді оқыту басталды. Әр кезеңде кафедраны Ермаков А.С. және Жангисина Г.Д. басқарды. Осы уақытта жаңа білім беру стандарттары әзірленіп, заманауи мамандықтар ашылды.

Сонымен қатар, 1971 жылы Ашимов А.А. жетекшілігімен құрылған «Техникалық кибернетика» кафедрасы қатар дамып, автоматтандырылған басқару жүйелері мен есептеу техникасы саласында мамандар даярлады. Кейіннен бұл кафедра «Ақпараттық технологиялар» кафедрасына айналып, онда бакалавриат, магистратура және докторантура бағдарламалары енгізілді.

2026 жылғы қаңтарда «Киберқауіпсіздік, ақпаратты өңдеу және сақтау» кафедрасын бөлу нәтижесінде «Ақпараттық жүйелер» кафедрасы құрылды.

Satbayev University «Ақпараттық жүйелер» кафедрасының миссиясы — Қазақстан Республикасы мен халықаралық қоғамдастықтың цифрлық трансформациясын іске асыруға қабілетті, интеллектуалды ақпараттық жүйелер мен жасанды интеллект (AI) шешімдерін жобалау, әзірлеу және басқару саласындағы жаңа буын мамандары мен зерттеушілерін даярлау.

Кафедраның мақсаты — интеллектуалды ақпараттық жүйелер, жасанды интеллект, деректер инженериясы және бұлттық технологиялар саласында заманауи білім беру және ғылыми-зерттеу ортасын қалыптастыру. Бұл орта инновациялық AI шешімдерін енгізуге, ғылыми ізденістер жүргізуге және жаһандық цифрлық трансформация мен тұрақты даму жағдайында тиімді жұмыс істеуге қабілетті жоғары білікті мамандарды шыңдауға бағытталған.

Кафедраның басым міндеттеріне барлық деңгейдегі білім беру бағдарламаларын (бакалавриат, магистратура, докторантура) іске асыру, жасанды интеллект, Big Data, цифрлық платформалар және зияткерлік талдау салаларында ғылыми зерттеулер жүргізу, IT-компаниялармен және өнеркәсіптік кәсіпорындармен серіктестікті дамыту, академиялық ұтқырлық пен ағылшын тіліндегі бағдарламаларды кеңейту, халықаралық сертификаттауға бағдарланған практикалық құзыреттерді қалыптастыру, сондай-ақ стартап-жобаларды қолдау және ғылыми әзірлемелерді коммерцияландыру жатады.

«Ақпараттық жүйелер» кафедрасының студенттік контингенті мен профессорлық-оқытушылық құрамы жоғары академиялық белсенділікпен, ғылыми нәтижелілікпен және тұрақты даму динамикасымен сипатталады. 2026 жылғы 1 қаңтардағы жағдай бойынша білім алушылардың жалпы саны 894 адамды құрайды, оның ішінде 851 студент 6B06106 «Ақпараттық жүйелер» бакалавриат бағдарламасы бойынша, 35 магистрант 7M06103, 7M06108 және 7M06109 «Ақпараттық жүйелерді басқару» бағдарламалары бойынша, ал 8 докторант 8D06103 «Ақпараттық жүйелерді басқару» бағдарламасы бойынша білім алуда. Дайындық деңгейлерінің арақатынасы: 95% — бакалавриат, 4% — магистратура және 1% — PhD. Бұл базалық даярлықтың ауқымдылығын сақтай отырып, ғылыми-зерттеу бағытының дамуын көрсетеді. Шетелдік студенттердің үлесі 2,35% (21 адам), бұл білім беру бағдарламаларының кезең-кезеңімен интернационалдануын айғақтайды.

Білім беру бағдарламалары 2026–2031 жылдарға дейін аккредиттелген. Бакалавриат деңгейінде келесі заманауи білім беру траекториялары қарастырылған: «DevOps», «Бизнес-аналитика және IT-жобаларды басқару», «Ақпараттық жүйелер архитектурасы», «Бизнес-қосымшаларды әзірлеу».

Оқу пәндері DevOps-инженерияны, жүйелік жобалауды, виртуализация мен контейнерлеуді, бизнес-процестерді талдау мен модельдеуді, CI/CD, IT-аудитті, ақпараттық жүйелерді интеграциялауды, прототиптерді әзірлеуді және арнайы бизнес-шешімдерді қамтиды.

Кафедра халықаралық ынтымақтастықты және қос диплом бағдарламаларын белсенді түрде дамытуда. «Computer Science» бағыты бойынша бірлескен бағдарлама жүзеге асырылуда, сондай-ақ магистратура деңгейінде «Management of Information Systems» бағдарламасы бойынша Inha University университетімен 3+1 форматындағы қос диплом бағдарламасы жоспарланған.

Материалдық-техникалық база Cisco, Huawei, 1C зертханаларымен, сондай-ақ MyBPM бизнес-процестерді автоматтандыру зертханасымен қамтамасыз етілген. Бұл білім алушыларды тәжірибеге бағытталған даярлауды және индустриямен тығыз ықпалдастықты қамтамасыз етеді.

Ақпараттық жүйелер кафедрасы — заманауи білім беру мазмұнын, белсенді ғылыми-зерттеу қызметін, халықаралық интеграцияны және цифрлық экономика үшін кадрларды даярлаудың тәжірибеге бағытталған тәсілін үйлестіретін, қарқынды дамып келе жатқан университеттің оқу-ғылыми құрылымдық бөлімшесі болып табылады.

Кафедраның білім беру қызметі келесі білім беру бағдарламалары бойынша іске асырылады: 6B06106 «Ақпараттық жүйелер» (бакалавриат),
7M06103, 7M06108, 7M06109 «Ақпараттық жүйелерді басқару» (магистратура),
8D06103 «Ақпараттық жүйелерді басқару» (PhD докторантура).

Ақпараттық жүйелер кафедрасы 2026 жылғы 5 қаңтардан бастап «Киберқауіпсіздік, ақпаратты өңдеу және сақтау» кафедрасының құрылымдық қайта ұйымдастырылуы нәтижесінде құрылған.

Кафедраның профессорлық-оқытушылық құрамы 25 штаттық қызметкерден тұрады, олардың 36%-ы ғылыми дәрежеге ие. Оқытушылар құрамында профессорлар мен техника ғылымдарының докторлары (12%), қауымдастырылған профессорлар, техника ғылымдарының кандидаттары және PhD докторлары (27%), магистрлер мен аға оқытушылар (39%), оқытушылар (20%) және ассистенттер (2%) бар.

Штаттық оқытушылардың 48%-ы Scopus халықаралық деректер базасы бойынша Хирш индексіне ие, бұл олардың жоғары ғылыми жарияланым белсенділігін және халықаралық ғылыми кеңістікке ықпалдасу деңгейін көрсетеді.

Кафедра Huawei, Cisco және 1C компанияларының қолдауымен құрылған заманауи материалдық-техникалық базамен қамтамасыз етілген. Кафедра қызметі барысында 30-дан астам ғылыми және қолданбалы жобалар іске асырылды. 2025-2026 жылдары машиналық оқыту және жасанды интеллект салаларында жалпы қаржыландыру көлемі 1,2 млрд теңгеден асатын ғылыми зерттеулер жүргізілуде.

Білім беру бағдарламалары Penn State (АҚШ), City University of Hong Kong және Hof University (Германия) сияқты шетелдік жоғары оқу орындарымен бірлесіп жүзеге асырылады, бұл білім алушыларға халықаралық білім беру кеңістігіне кірігуге мүмкіндік береді.

«Ақпараттық жүйелер» білім беру бағдарламасы бойынша білім алушылар дуальды және қашықтықтан оқыту нысандарын таңдау мүмкіндігіне ие, оның ішінде Adway платформасы арқылы оқу жүзеге асырылады.

Кафедра жұмыс берушілермен өзара іс-қимылдың жүйелі моделін қалыптастыруды қамтамасыз етеді, ол білім алушыларды тәжірибеге бағытталған даярлауға, бірлескен жобаларды іске асыруға және түлектердің жұмысқа орналасуына жәрдемдесуге бағытталған. Кафедраның серіктестік желісіне жетекші IT-компаниялар, қаржы институттары мен технологиялық ұйымдар кіреді, олардың қатарында Halyk Bank, Kaspi.kz, Lenovo, Noventiq және басқа да ұйымдар бар.

Кафедраны техника ғылымдарының кандидаты, қауымдастырылған профессор Сербин Василий Валерьевич басқарады.