Ә. Бүркітбаев атындағы Энергетика және машина жасау институты

Тарихы:

1975 жылы Қазақ Кеңестік Социалистік Республикасының Жоғары және арнайы орта білім министрліктері және В.И.Ленин атындағы Қазақ Политехникалық университетінің Ғылыми кеңесінің шешімі бойынша және ректор Әшімов А.А. «Машина жасау технологиясы» және «Машиналар және металдарды қысыммен өңдеу технологиясы» мамандықтарын ашу туралы шешімді бекітті. TM75 және OMD75 оқу топтарының алғашқы құрам топтар жиналды. Металлургия факультетінің құрамына кіретін "Машина жасау технологиясы" кафедрасы, жаңадан құрылған "Машиналар және металдарды қысыммен өңдеу технологиясы" кафедрасы "Материалдардың кедергісі", "Машина бөлшектері және құрастыру негіздері", "Сызба геометриясы және графика" және "Теориялық механика"жалпы білім беретін кафедралармен бірлесе отырып, В.И.Ленин атындағы  Қазақ Политехникалық Зерттеу институтының «Машина жасау» факультетінің негізін қалады.  Алғашқы декан болып В.И.Ленин атындағы  Қазақ Политехникалық Зерттеу институтының  еңбек және Ұлы Отан соғысының ардагері, біздің университетіміздің құрметті профессоры Мейрам Құрманғалиұлы Құрманғалиев  сайланды.  

Машина жасау факультетінің ашылуына үлкен үлес қосқан профессорларымыз Құрманғалиев М.Қ., Түсіпбеков М.Р.,  Орлов П.Г., Оразбаева Б.К. және Н. Э. Бауман атындағы Мәскеу мемлекеттік техникалық университетінің профессорлары  Овчинникова А.Г.,  Попова Е.А.,  Кондратенко В. Г.,  Корсаков В. С.  ,  Проников А. С.,  Косилова А. Г.,  Хруничев Ю. А.,  Липгарт А.Д.,Мельников В.Н., Кондаков А.Б.

Бауман атындағы ЖМТУ мектебінің станокты құралдық институтында  Н.Т. Сыздықбеков, М. Ф. Керімжанова, Е. Т. Төлекбаев, М. Ш. Ілиясов, А. С. Кенбаевтар   диссертацияларын сәтті қорғады.  

Машина жасау факультетінің ашылуына  көптеген  кәсіпорындар ат салыса отырып, факультетті  станоктар, пресстер, сынақ жабдықтарымен қамтамасыз ете отырып, барлық жабдық паркін монтаждау және жөндеуден өткізді.

Факультет оқудың үш түрі болды: күндізгі, кешкі және сырттай. Өнеркәсіптік кәсіпорындардың көптеген мамандары кешкі оқу түрін аяқтап, Алматы қаласы мен облыстың зауыттарында инженер болды.

Алматы ауыр машина жасау зауытында – ААМЖЗ  «Машиналар және металдарды қысыммен өңдеу технологиясы»  кафедрасының филиалы болып тіркеліп, жұмыс істеді, оның негізгі міндеті «Металл өңдеудің үздіксіз процестері» бойынша мамандар даярлау болды. Бұл өндіріс жағдайындағы нақты дуальды оқытудың түрі болды.

1982 жылдан 1987 жылға дейін факультетті ҚазҰТУ профессоры, Халықаралық             Ақпараттандыру Академиясының академигі, техника ғылымдарының кандидаты Б.Қ.Оразбаев басқарды.

2000 жылы факультет «Машина жасау технологиялар және экология» институты болып құрылды, ал 2003 жылдың сәуір айында ҚазҰТУ құрылымына «Машина жасау» институты кірді.

2000-2002 жылдар аралығында институтты Қазақстан Республикасының Ұлттық Ғылым  академигі, техника ғылымдарының докторы Байгунчеков Жумадил Жанабаевич, 2002-2003 жылдар аралығында х. ғ. д. профессор Алиев Н. О. басқарды.

1987 жылдан 2000 ж.ж. және 2003-2011 жылдар аралығында «Машина жасау» институтын доцент, техника ғылымдарының кандидаты Павел Георгиевич Есырев басқарды.

2011 жылдан бастап институт «Өнеркәсіптік инженерия» болып аталып,  институтты техника ғылымдарының докторы,профессор Тұрдалиев Әуезхан Тұрдалиұлы басқарды.

2016 жылы директор болып Қазақстан Республикасының Ұлттық Ғылым академигі, техника ғылымдарының докторы Байгунчеков Жұмаділ Жанабаевич тағайындалды.   Институтқа университетіміздің бірінші ректоры Әшір Бүркітбаевтың есімі берілді (1934-1936жж).

 2017 – 2018 жылдары институт директоры болып техника ғылымдарының докторы, профессор Қалтаев Айдархан Жүсіпбекұлы қызмет атқарды.

2019 жылдың шілде айынан бастап «Өнеркәсіптік инженерия» институты «Өнеркәсіптік автоматтандыру және цифрландыру» институты болып құрылды, 2018-2021 жылдар аралығында институт директор болып PhD доктор Омарбеков Бекнұр Оразғалиұлы қызмет атқарды.

2021 жылдың 1 қыркүйек айынан бастап институтты техника ғылымдарының кандидаты, қауымдастырылған профессор, Қазақстан Республикасының тау-кен ғылымдары Ұлттық Академиясының корреспондент-мүшесі Елемесов Қасым Көптілеуұлы директор болып тағайындалды.

Институт машина жасау, энергетика, мұнай-газ-химия саласы, көлік құралдары, автомобиль және трактор, машина, станок  жасау сияқты өнеркәсіптің көптеген бағыттары бойынша технологиялық машина жасау саласының мамандарын даярлайды.

Оларды техникалық жүйелердің қауіпсіз пайдаланудың беріктігі мен сенімділігі саласында мамандарды даярлау жүзеге асырылуда. Институттың ғылыми-педагогикалық қызметінің бағыты бойынша жарты ғасырлық тәжірибесі бар және де Қазақстанның инженер кадрларының ұстаханасы болып есептелінеді. Институттың оқытушы – профессорларының  біліктігінің арқасында Алматы қаласының индустриялық заводттарында институт түлектерінің басым көпшілігі жұмыспен қамтамасыз етілген. Қазіргі таңда институт құрылымында: «Энергетика», «Технологиялық машиналар және көлік», «Машина жасау, стандарттау, сертификаттау және метрология», «Сызба геометрия және инженерлік графика», «Инженерлік механика және модельдеу» кафедралары бар.

Мамандық бойынша студенттерге білімді білікті профессорлар, доценттер және де  өндіріс мамандары мемлекеттік және орыс тілдерінде жүргізеді. Студенттер машина жасаудың заманауи технологиялары туралы білім ала отырып, Автоматтандырылған жобалау жүйесі (АЖЖ) бағдарламасында конструктор және механик ретінде жұмыс істеуді үйренеді, сондай – ақ сандық бағдарламалық басқарылатын станоктардың барлық түрлерін меңгереді, энергетика, технологиялық машиналар мен жабдықтар, тау-кен  металлургия және мұнай-газ машиналарын пайдалану және жөндеу салаларындағы инновациялық технологияларды меңгереді, өздерінің кәсіби білімін, дағдылары мен қабілеттерін мемлекеттік және жеке басқаруда, тау-кен металлургия және мұнай-газ кәсіпорындарында іске асыра алатын басқарушы бағдарламаларды кез келген меншік нысанындағы қоғамдық және ғылыми-зерттеу ұйымдарында қалыптастыруды игереді.

Институт мамандықтары халықаралық ASIIN (Германия) аккредитациялық агенттігінде, білім беру сапасын қамтамасыздандыратын тәуелсіз қазақстандық агенттігінде (БСҚА) және аккредитация және тәуелсіз рейтингтік агенттігінде (НААР) аккредитациядан өткен.

Институт қажетті құрал-жабдықтармен, аспаптармен, компьютерлік техникамен және бағдарламалық құралдармен жабдықталған. 30 мамандандырылған зертханалар мен кабинеттер бар. Білім жүйесінде студенттер ADEM, SolidWorks, AutuDesk, Компас 3D, MSC Nastran, Comsol multiphisics, және APM WinMachine сияқты халықаралық деңгейдегі автоматтандырылған жобалаудың жаңа жүйелерін пайдаланады. Компьютерлік технологиялар мен 3D-сканерлеу технологиялары негізінде өнеркәсіптік технологиялар мен жабдықтарды үйренеді, нәтижелерді 3D-сызбаларға түрлендіру, оларды 3D-принтерлерде дайындау бойынша білім алуда.

Институт көптеген шетелдік техникалық университеттермен өзара серіктес байланыста: профессор-оқытушылар құрамымен және студенттермен алмасу, докторанттардың тағылымдамасы, магистранттардың шетелдік практикасы, қос дипломды оқытуды ұйымдастыру үшін оқу жоспарларын бірлесіп әзірлеу, білім беру мәселелері бойынша пікірталастар өткізу бағытында бірге жұмыс жасауда.

Институт көптеген шетелдік жоғары оқу орындарының профессорларымен байланыс жасайды: TFH Georg Agricola университеті (Германия), Pennsylvania State University, Vilnius Gediminas Technical University, National TechInstitute of Calicut (Үндістан) University de Loraine, AGH University of Science and Technology, CAUST, University Texas, Braunswille, University of Science and Technology Liaoning,(Қытай), университет Зигена,(Германия), Ченстохова технологиялық университеті, Technical University (Tallinn),Valencia Politechnical University (Spain), Оңтүстік Лационалық Кассино университеті, Электротехникалық институт Польша Варшава қаласы, Warsaw сity, им. А.ф. Иоффе РҒА, Poitiers University(France), University of Beira Interior, Loughborough University, Магдебург техникалық университетімен, Авейро университетімен (Португалия), Стэнфорд университетімен (АҚШ), ТМД елдерінің жетекші техникалық жоғары оқу орындарымен: ММТУ им. Н. Э. Бауман (Мәскеу), УРФУ им. Ельцин ( Екатеринбург), Мәскеу автомобиль-жол ГТУ, Санкт-Петербург электротехникалық университеті "ЛЭТИ", Сібір мемлекеттік автомобиль-жол академиясы, ММТУ «Станкин», Томск политехникалық университеті, Пенза мемлекеттік университеті, және Санкт-Петербург мемлекеттік телекоммуникация университеті.

Біздің түлектер Қазақстан және шетел өнеркәсібінің көптеген салаларында инженер-механик, конструктор болып еңбек етеді. Машина жасау және көлік өнеркәсібінде, функционалдық, металл және наномөлшерлі материалдарды өндіру кәсіпорындарында, жобалау-конструкторлық бюроларда, ғылыми-зерттеу институттарында сұранысқа ие, мемлекеттік құрылымдарда басшылық лауазымдарды атқаруда.

Қаныш Сәтбаев атындағы Қазақ ұлттық техникалық зерттеу университеті - Satpayev University, жарты ғасырға жуық ғылыми-педагогикалық тәжірибесі бар біздің институттың тарихы тереңде жатыр.

Институттың миссиясы:

  • оқытудың озық технологиялары мен заманауи білім беру инфрақұрылымын қолдана отырып, жоғары білікті мамандарды дайындау, жаратылыстану мен техникалық білімдерді жинақтау және тарату;
  • жалпы адамзаттық адамгершілік және мәдени құндылықтарды сақтай және арттыра отырып, еңбек нарығының қарқынды өзгеретін қажеттіліктерін ескере отырып, студенттер мен оларға қажет қауымдастықта кәсіби, ақпараттық, коммуникативтік, әдістемелік және идеологиялық құзыреттілікті қалыптастыру.

Мақсаты:

  • білім алушыларға жоғары сапалы, практикаға бағытталған білім беру. Экономика салаларын жоғары және жоғары оқу орнынан кейінгі білімі бар бәсекеге қабілетті кадрлармен қамтамасыз ету.
  • жоғары сапалы білім мен институттың тұрақты дамуын қамтамасыз етуге қабілетті білім мен өндіріс ғылымының интеграциясы негізінде жоғары және жоғары оқу орнынан кейінгі білім беру саласындағы оқу, әдістемелік, ғылыми -зерттеу қызметін жүзеге асыру.

Негізгі жоспарлар:

  • жоғары мамандандырылған білім беру үлгілерінен жалпыға ортақ үлгілерге көшу;
  • білім мен зерттеудің бірігуі;
  • білім беруді ақпараттандыру және оқытудың инновациялық технологияларын енгізу;
  • студентке бағытталған оқыту;
  • оқыту сапасын қамтамасыз ету;
  • оқыту сапасын бақылау;
  • оқытудың тиімділігін ынталандыру, мұғалімдердің академиялық құзыреттілігін нығайту мүмкіндігін қамтамасыз ету.

Бұл жоспардың негізгі бағыттары:

  • Бөлімдерді цифрлық инфрақұрылыммен және заманауи материалдық -техникалық базамен жабдықтау.
  • Ғылымның интеллектуалдық потенциалын күшейту.
  • Ғылыми инфрақұрылымды жаңғырту және цифрландыру.
  • Ғылыми әзірлемелердің тиімділігін арттыру және ғылыми кеңістікке кіруді қамтамасыз ету.
Білім беру бағдарламалары
Жоғары

Қате кетті!

Жолдарды дұрыс толтыруға тырысыңыз.

Қате кетті!

Файл өлшемінің максималды шегінен асты.

Сіздің мәліметтеріңіз сәтті жіберілді!

Жақын арада біз Сізбен хабарласамыз.

Сіздің мәліметтеріңіз сәтті жіберілді!

Электрондық пошта мекенжайыңызға растау хаты жіберілді. Электрондық пошта мекен-жайыңызды растауды ұмытпаңыз.

Аудармасы жоқ


Басты парақшаға өту