Материалтану, нанотехнология және инженерлік физика кафедрасы
«Материалтану, нанотехнология және инженерлік физика» кафедрасының қалыптасу тарихы 1968 жылы құрылған «Металлтану және металдарды термиялық өңдеу» кафедрасынан басталады. Кафедраны ұйымдастырушылардың алды болып, ҚР академигі - металлтану саласы бойынша тұңғыш техника ғылымдарының докторы дәрежесін алған қазақ ғалымы А.К. Омаров бастаған бірқатар ғалымдар мен өндірушілер тұрды. Академик А.К.Омаров - 250-ден астам жұмыстың, оның ішінде 9 монографияның, оқулықтар мен оқу құралдарының, 18 өнертабыстың, 9 шетелдік патенттің авторы. Ол - металл технологиясы бойынша қазақ тіліндегі алғашқы оқулықтың авторы.
Кафедраның профессорлық-оқытушылық құрамы әртүрлі ғылыми бағытта жұмыс жасап жатқан жоғары білікті, кәсіби ұжым болып табылады, оқытушылардың көпшілігі ЖОО-да тәжірбиелі мамандар.
«Материалтану, нанотехнология және инженерлік физика» кафедрасында ғылыми-педагогикалық қызметті оқытушылар жүзеге асырады. Кафедра профессоры Д. У. Смағұлов Академик атағына ие болды, 2022 жылы ғылымды дамытудағы еңбегі үшін Ғылым және жоғары білім министрлігінің Алтын медалімен марапатталды.
Сабақтар мемлекеттік, орыс және ағылшын тілдерінде өткізіледі. Шетелдік студенттер Түрікменстан, РФ және Өзбекстаннан білім алады. Олармен Т. Етиш, А. С. Бейсебаева тығыз жұмыс істейді.
Қазіргі уақытта МНжИФ кафедрасы келесі білім беру бағдарламалары бойынша бакалаврлар мен магистрлерді және докторанттарды дайындайды:
Бакалавриат бойынша:
ОП 6В07109/6В07207– «Инженерлік физика және материалтану»
Магистратура бойынша:
ОП 7М07103 – «Материалтану және жаңа материалдар технологиясы»
ОП 7М07301 – «Қолданбалы және инженерлік физика»
Докторантура бойынша:
ОП 8D07103 – «Материалтану және жаңа материалдар технологиясы»
ОП 8D05301– «Қолданбалы және инженерлік физика»
ОП 8D07114 – «Наноматериалдар және нанотехнологиялар
Қос дипломдық бағдарламалар
Магистратура бойынша қос дипломды білім беру бағдарламасы шеңберінде келесі шетелдік жоғары оқу орындарымен келісім-шарттарға қол қойылды:
Томск политехникалық университеті
- 7М07103 – Материалтану және жаңа материалдар технологиясы;
"Материалтану, нанотехнология және инженерлік физика" кафедрасының бакалаврлары мен магистранттарын даярлау жөніндегі Assin халықаралық агенттігінде аккредиттелген және қазір ABET-ке өту үшін құжаттар дайындалуда.
«Материалтану, нанотехнология және инженерлік физика» кафедрасы HORIZON 2020, Research and Innovation Staff Exchange (RISE) H2020-MSCA-RISE-2018, No.823942 — «Development and design of novel multiFUNctional PEO COATings (FUNCOAT) халықаралық еуропалық жобасына енгізілді, сәйкесінше магистранттар мен докторанттар өздерінің ғылыми жұмыстарын (диссертацияларын) және озық еуропалық ғылыми орталықтарда жариялау мүмкіндігіне ие. Жоба 2024 жылдың соңына дейін жұмыс істейді. Қазіргі уақытта У. Какимов, Г. Ешманова, М.Қыдырмолла, А.Кемелбекова, Т.Етиш сынды кафедра қызметкерлері мен білім алушылары аталған жоба бойынша жұмыс істейді.
Кафедра профессоры Азат С. Қ. И. Сәтбаев атындағы ҚазҰТЗУ Ректорлар Кеңесі мен Ғылыми Кеңесінің шешімімен алтын медальмен марапатталды. Польша химия қоғамының арнайы шақыруымен Сейтхан Азат Мария Склодовская-Кюри университетінде "Қазақстандағы су тазартудағы көміртекті зерттеудің қазіргі жағдайы: Satbayev University мысалы" тақырыбында ашық дәріс өткізді. Satbayev University ғылыми жұмыстары жоғары бағаланып, ғалымдардың қызығушылығын тудырды. Нәтижесінде бірлескен ғылыми жобалар және докторанттардың ғылыми жұмыстарын бірлесіп орындау туралы келісімге қол жеткізілді.
Satbayev University мен Гонконг қалалық университеті (City U) инновациялық стратегиялық әріптестік құру туралы, оның ішінде «Инженерлік физика және материалтану» мамандығы бойынша келісім жасасты.
Кафедра филиалдарымен нанотехнология және материалтану бағыттары бойынша мамандарды даярлауды жақсартуға, одан әрі түлектерді жұмысқа орналастыруға бағытталған бірлескен қызмет түрлерін іске асыру бойынша негіздемелік келісімдер әзірленді. «Физика-техникалық институт» ЖШС, «ЖӘКЕН КАЛША» ЖШС, Инженерлік бейінді зертхана, Жану мәселелері институты, «ЖАЛЫН» ғылыми-өндірістік техникалық орталықтармен келісімдерге қол қойылған , басты мақсат бірлескен білім беру және ғылыми іс-шараларды іске асыру, академиялық және ғылыми тәжірбие алмасу, бірлескен білім беру бағдарламалары мен жобаларын әзірлеу, сондай-ақ оқытудың барлық деңгейлеріндегі студенттердің тағылымдамаларын жүзеге асыру және кафедра қызметкерлерінің біліктілігін арттыру болып табылады.
Осы жылдар ішінде шетелдік профессорлармен тығыз халықаралық ынтымақтастық жүзеге асырылуда: Конрад Терпиловский фазааралық құбылыстар химиясы кафедрасының доценті, химия факультеті, Мария Кюри-Склодовская университетінің доценті (Люблин), Рашид Амрус профессор Чуайб Дуккали университетінің профессоры (Марокко), Полисан Андрей Андреевич, Профессор , т.ғ.д., Федералдық мемлекеттік автономды жоғары білім білім беру мекемесі ""МИСиС" ұлттық технологиялық зерттеу университеті, (Ресей).
Білім беру бағдарламалары
-
Бакалавриат
-
Магистратура
-
Докторантура
-
Қашықтықтан білім беру
