Сәтбаев Бизнес Мектебі
Сәтбаев Университетінің бизнес-мектебі (Satbayev Business School) – өнеркәсіп орындарында технологиялық серпілісті қамтамасыз ету және экономиканың өндірістік-техникалық секторларында жаңа кәсіпқойлар корпусын қалыптастыру үшін компаниялардың жоғары және орта буын менеджерлерін оқыту және кәсіби тұрғыда дамыту алаңы болып табылады.
Satbayev бизнес-мектебінің студенттері – Қазақстан экономикасының болашақ техникалық элитасы.
Мектептің миссиясы:
Заманауи сын-қатерлерге жауап беретін және белгісіздік пен тәуекелділік жағдайында бизнесті табысты түрде басқара алатын басқарушы кадрларын даярлау және олардың біліктілігін арттыру.
Осы мақсатқа жету үшін, бизнес-мектеп заманауи талаптарға жауап беретін және белгісіздік пен тәуекелділік жағдайында кәсіпорынды сәтті басқара алатын басқарушы кадрларды сапалы түрде даярлау мен кәсіби дамытуды қамтамасыз етуге ұмтылады.
Бизнес-мектептің негізгі міндеттері:
- Компаниялардың жоғары және орта буын басшыларын Қ. И. Сәтбаев атындағы ҚазҰТЗУ институттарының білім беру бағыты бойынша оқыту және оларды қайтадан даярлау қажеттілігін анықтау үшін еңбек нарығына талдау жүргізу;
- еңбек нарығында сұранысқа ие білім беру бағдарламалары (МВА, EMBA, DBA) мен қысқа мерзімді курстардың, семинарлар мен тренингтердің әртараптандырылған портфелін әзірлеу және енгізу, оларды жаңарту және дамыту;
- университеттің профессор-оқытушылар құрамын жетекші оқытушылар мен бизнес-тренерлер қатарынан қалыптастыру; оқытуда да, ғылыми зерттеулерде де интеллектуалдық әлеуетті құру және дамыту;
- негізгі бағытта мамандандырылған компаниялармен және кәсіби бірлестіктермен серіктестік қарым-қатынаста болу; аймақтағы және бүкіл әлемдегі жетекші бизнес-мектептермен бірлесіп, стратегиялық альянстар құру және оларды тиімді дамыту;
- бизнестің жаһандық аспектілерін түсіну үшін оқытушылар құрамы мен студенттердің ұтқырлығын қамтамасыз ету;
- Бизнес-мектебінде оқу және ғылыми-зерттеу үдерістерін басқару және үйлестіру;
- Университеттің әлемдік білім беру жүйесіне интеграциялануына ықпал ету.
Satbayev бизнес-мектебі өндірістік кәсіпорындардың инженерлік-техникалық қызметкерлері үшін арнайы әзірленген магистратура және докторантура бағдарламаларын әзірлейді. Олар өндірісті басқарудың заманауи тәсілдеріне негізделген, практикалық тәжірибені құрастырады, стратегиялық ойлау жүйесін дамытып, басқару біліктілігінің жаңа деңгейіне көтерілуге көмектеседі.
Satbayev бизнес-мектебінің бағдарламалары:
- студенттерге кәсіпорынды немесе өз компаниясын басқаруда барлық алған білімдері мен дағдыларын дереу практика жүзінде қолдануға мүмкіндік береді;
- кез келген шешім қабылдаудың ықтимал салдарын бағалауды үйретеді;
- қазақстандық және шетелдік компаниялардың нақты көшбасшыларымен қарым-қатынас жасауда құнды практикалық тәжірибе береді;
- дағдарыс жағдайларын шешудің оңтайлы жолдарын көрсетеді.
Бағдарлама бойынша білім алатын әлеуетті студент алған білімдері мен меңгерген дағдыларын тәжірибеде қолдана отырып, өндірістік процестерді, қаржылық және адами ресурстарды тиімді басқара алады, компанияның стратегиясын қалыптастыруды үйренеді және белгіленген мерзімде минималды шығындармен алға қойылған мақсаттарға қол жеткізе алады.
Satbayev бизнес мектебінің бағдарламалары бойынша оқыту процесін ғылыми-зерттеу жұмыстарымен және кеңес беру ісімен айналысатын, сонымен қатар басқару жағынан практикалық тәжірибесі мол жоғары білікті оқытушылар құрамы қамтамасыз етеді.
Бағдарламалар цифрландыруға және оны өнеркәсіптікке бейімдеуге бағытталған кәсіпорындар (өнеркәсіптік өндіріс, мұнай-газ өнеркәсібі, металлургия, энергетика, көлік, құрылыс, IT және т.б. салалар) үшін көшбасшыларды даярлауға арналған. Сондай-ақ шетелдік серіктес университеттердің бірінде міндетті түрде білім алу модулін қамтиды.
Мектептің артықшылығы
- Ұсынылып отырған бағдарламалардың сапасы мінсіз, Қазақстанның білім беру нарығында олардың теңдесі жоқ: мемлекет үшін, бизнес пен қоғам үшін мықты ғылыми-зерттеулік және практикалық құндылығы маңызды да мәнді болып саналатын, әрі жоғары сұранысқа ие мамандарды даярлау бағыттары (техникалық);
- Оқытушылар: университеттің жетекші профессорлары, тәжірибелі практик-мамандар, табысты бизнесмендер, ҚР министрліктері мен ведомстволарының басшылары мен қызметкерлері, беделді ғалымдар мен сараптамашылар;
- «Жинақтық» сипаттағы бағдарламалар бойынша жеке оқу жоспары, студент өз оқу жоспарын жасаған кезде оқу жоспарына (Мемлекеттік білім беру стандартына сәйкес) енгізілген міндетті пәндер есепке алынбайды. Клиенттер арасында жүргізілген сауалнамалардың нәтижелері бойынша алдын ала әзірленген әрбір профиль бойынша элективті пәндердің кең таңдауы студенттерге берілген кредиттер негізінде оқу жоспарын дербес құруға мүмкіндік береді;
- Серіктестікті тұрақты дамыту мақсатында тиімді шешімдер мен ұсыныстарды әзірлеу үшін білім беру (академиялық) және бизнес-қауымдастықтар арасындағы сындарлы диалог жүргізуге арналған арнайы платформа бар;
- Басқару саласы бойынша білім беру бағдарламаларын жүзеге асыруда негізгі мемлекеттік органдармен, бизнес құрылымдармен, қоғамдық және кәсіби ұйымдармен өзара тығыз байланыс жасалады.
Сәтбаев атындағы бизнес мектебі туралы толығырақ
Толық ақпаратты SBS кеңсесінен алуға болады:
Алматы қаласы, Сейфуллин көшесі, 22/5, 201-каб.
Қ.И.Сәтбаев атындағы ҚазҰТЗУ, «SBS» бизнес-мектебі.
+7(707)308-75-08; +7 (701) 252-99-19,