Ғылым бөлімі

Сәтбаев университеті – елдегі жетекші техникалық зерттеу университеті. Университет экономиканың нақты секторымен және мемлекеттік ұйымдармен белсенді жұмыс жасау арқылы ғылыми зерттеулер саласындағы жетекші оқу орнына айналды. Университеттің ғылыми-инновациялық қызметі гранттық және бағдарламалық-мақсатты қаржыландыру бағытындағы мемлекеттік ұйымдардың тапсырыстарын орындауға, сондай-ақ өндіріспен өзара тығыз байланыс жасауға бағытталған. Университеттің зертханалары мен зерттеушілері өндірістің өзекті мәселелерін экономикалық келісімшарттық тақырыптар, өндірістің өсуіне, оның алға басуы мен экономикалық тұрақтылығына ықпал ететін ғылыми зерттеулер шеңберінде шешеді.

Ғылым департаменті келесі бөлімдерден құрылады:

 

Гранттық және бағдарламалық-нысаналы жобалар бөлімі

Бөлімнің қызметі ғылыми-зерттеу жұмыстары ғылыми-зерттеу операторларының бюджетінен конкурстық негізде қаржыландырылатын ғылыми-техникалық бағдарламалар мен гранттар шеңберінде жүзеге асырылатын ғылыми жобаларды іске асыру үшін қажетті жағдайларды қамтамасыз етуге, ғылыми-зерттеу қызметі тақырыптарын зерттеу процесін қалыптастыруға және әкімшілік қолдау көрсету мен бақылауға бағытталған. 

 

Келісімшарт зерттеулер бөлімі

 

Бөлім Сәтбаев университетінің өндірістік кәсіпорындармен технологиялық серіктестігін дамыту функцияларын орындайды. Бөлім қызметкерлері алдыңғы қатарлы ғылыми салалардағы әлемдік және отандық үрдістерді бақылайды және талдайды, ғылыми әзірлемелерге және университеттің қызметтеріне сұранысты зерттейді, өндіріс процестерін жаңарту бойынша ұсыныстармен кәсіпорындарға барады, келіссөздер жүргізеді және қаржыландырылатын ғылыми жобалар бойынша келісімшарттар жасайды.

Университет өзінің өндіріспен өзара әрекеттесу саясатын әрдайым заманауи шындыққа бейімдейді. Университет ғалымдары белгілі бір өндірістің маңызды мәселелерін талдайды, оны университеттің ғылыми қауымдастығы шеңберінде талқылайды, өздерінің көзқарастарын қалыптастыру үшін барлық қажетті күштерін жұмылдырады, шешімдерін ұсынады және ол шешімдерін өнеркәсіп орнының ғылыми-техникалық кеңесінде ұсынады.

Сәтбаев университеті өзінің құрылған кезінен бастап жедел мәселелерді шешуде және өндірістің жоғары технологияларын қалыптастыруда өндіріспен тығыз байланыс жасап, белсенді жұмыс істеп келеді.

Шартты зерттеулер кеңсесі ұсынатын қызметтер:

  • Мемлекеттік және коммерциялық тендерлер жөніндегі, электрондық аукциондар және жұмыстар мен қызметтерді сатып алудың басқа рәсімдеріне арналған мамандандырылған сайттардың мониторингі.
  • Сәтбаев университетінің ғылыми зерттеушілерін ҒЗЖ бойынша сатып алу жұмыстарының жарияланғаны туралы хабардар ету.
  • Шұғыл өндірістік мәселелерді шешу мақсатында Сәтбаев университеті ғалымдарының өнеркәсіп орындарының өкілдерімен ынтымақтастық кездесулерін ұйымдастыру.
  • Сәтбаев университетінің ғылыми бөлімдері мен ғылыми ұжымдардың жұмысын өндірістің технологиялық мәселелерін шешу бойынша ұсыныстар дайындау жөнінде үйлестіру.
  • Ғылыми бөлімдер мен ғылыми ұжымдардың жұмысын өндіріс тапсырысы бойынша келісімшарттық жұмыстарды жасау және орындау бойынша үйлестіру.
  • ҒҒТЖН нәтижелерін нарыққа шығаруға көмек көрсету.

 

Коммерцияландыру және инвестиция тарту бөлімі

 

Сәтбаев Университеті оқу орнының инновациялық кластері негізінде технологиялық кәсіпкерлікке белсенді түрде қолдау көрсетіп отыр. Университетте жобаларды коммерциялау жүйесі қалыптасқан.

Бөлім университет технологияларын трансферттеуді жеңілдетеді, университет ғалымдарының бастамаларын қолдайды, сондай-ақ резидент-стартаптарға тәлімгерлік және сараптама қызметтерін ұсынады. Осылайша Бөлім Сәтбаев Университетін инновациялар орталығына айналдыруға ықпал ете отырып, кәсіпкерлік ойлаудың дамуына, университеттің кәсіпкерлік моделін жүзеге асыруға үлес қосады.

Кеңсе ұсынатын негізгі қызметтер:

  • Университеттің студенттері мен қызметкерлеріне ақпараттық қолдау көрсету;
  • Лицензиялық келісімдер жасау.

 

Зияткерлік меншік және жариялау қызметін дамыту бөлімі

 

Университет дамуының негізгі бір мақсаты – жариялау белсенділігінің сапасын арттыру және Университет қызметкерлерінің ғылыми еңбектерінің дәйексөзге ілігуі, әлемдік ғылыми қоғамдастықтардағы университеттің танымалдылығын арттыру болып табылады. Осы мақсатқа жету үшін Университетте  Зияткерлік меншік және жариялау белсенділігін дамыту бөлімі қызмет етеді.

Зияткерлік меншік және жариялау белсенділігін дамыту бөлімінің басты міндеттері:

- ҚазҰТЗУ жариялау белсенділігін ұйымдастыру және бақылау, Университет қызметкерлерінің жарияланымдық белсенділігін дамыту;

- Университеттің әлемдік рейтингтерде позицияларын күшейтуге септігін тигізу;

- «ҚазҰТЗУ/SU Хабаршысы» ғылыми журналдың жұмысын ұйымдастыру және үйлестіру, Университеттің ғылыми журналын халықаралық деректер базасына ендіру;

- Университеттің қорғауға қабілетті ғылыми-техникалық зерттемелерін іздеу бойынша жұмыстарды ұйымдастыру және бақылау, зияткерлік меншік объектілерін қорғау.

Толығырақ  8 (727) 292 6346 телефоны бойынша анықтай аласыз.

 

Ғылыми инфрақұрылымды қолдау бөлімі

Бөлім ҚазҰТЗУ-дың ғылыми қажеттіліктерге бағытталған ғылыми, білім беру және инновациялық қызметті дамытуға бағытталған ғылыми инфрақұрылымды қалыптастыру саласындағы саясатын әзірлеумен және енгізумен айналысады; жабдықтар паркін техникалық қолдау  және жоспарлауды сүйемелдеу, сондай-ақ жабдықтар паркінің техникалық жағдайын талдау, проблемалар мен нарық үшін ғылыми инфрақұрылымды дамытудың перспективалы және коммерциялық бағыттарын анықтау.

Жоғары

Қате кетті!

Жолдарды дұрыс толтыруға тырысыңыз.

Қате кетті!

Файл өлшемінің максималды шегінен асты.

Сіздің мәліметтеріңіз сәтті жіберілді!

Жақын арада біз Сізбен хабарласамыз.

Сіздің мәліметтеріңіз сәтті жіберілді!

Электрондық пошта мекенжайыңызға растау хаты жіберілді. Электрондық пошта мекен-жайыңызды растауды ұмытпаңыз.

Аудармасы жоқ


Басты парақшаға өту