Дайнеко Евгения Александровна

Кәсіби өмірбаяны

PhD докторы, қауымдастырылған профессор. Білім беру саласындағы цифрлық технологиялар, виртуалды және толықтырылған шындық бойынша кәсіби маманы. 19 жылдан астам еңбек тәжірибесі бар танымал ғалым әрі педагог, Scopus дерекқорында индекстелетін 100-ден астам ғылыми жарияланымның авторы (h-index – 10), соның ішінде монографиялар мен оқу құралдары да бар. Цифрлық білім беру платформалары мен интеллектуалды симуляторларды әзірлеуге байланысты бірқатар ірі ғылыми жобаларға жетекшілік еткен. Ғылыми зертханалар мен зерттеу мектептерін құру жөніндегі бастамашы, жас ғалымдарды қолдауға ерекше көңіл бөледі.

Халықаралық ынтымақтастықты белсенді түрде дамытып келеді: оның қатысуымен Оңтүстік Корея, Германия, Польша, Чехия, Бельгия және басқа да елдердің университеттерімен қос дипломды білім беру бағдарламалары ашылды. Coursera, Halyk Bank, SAP, UNICEF секілді жетекші компаниялармен және халықаралық ұйымдармен әріптестік қарым-қатынасты табысты түрде орнатқан. IT және цифрлық технологиялар саласында жаңа білім беру бағдарламалары мен микробіліктіліктердің авторы және әзірлеушісі. «ЖОО-ның үздік оқытушысы – 2018» мемлекеттік сыйлығының лауреаты, ҚР Ғылым және жоғары білім министрлігінің Құрмет грамотасымен марапатталған. Авторлық құқық бойынша 8 куәлік пен 2 бірлескен патенттің авторы.