ГжМГіи зертханалық орталығы
Химиялық синтез және мұнай өндіру зертханасы тау жыныстарының фильтрациялық-сыйымдылық қасиеттерін анықтауға қажетті, сондай-ақ мұнайды сумен және химиялық реагенттермен ығыстыруды модельдеуге қажетті құрал-жабдықтармен жабдықталған.
Зертхана Қазақстан кен орындарында мұнай өндіруді ұлғайтудың оңтайлы химиялық әдістерін (полимерлік, ББЗ, сілтілі су басу) іріктеу, сондай-ақ төмен минералданған және Smart су басу тиімділігін анықтау бойынша жұмыстарды жүргізеді. Сондай-ақ зертхана ұңғымаларды гелеполимерлі өңдеудің тиімділігін анықтау (қабылдау профилін теңестіру және су ағынын шектеу бойынша) жұмыстарын жүргізу үшін қажетті жабдықтармен жабдықталған.
Қазіргі кезде зертхана «Айранкөл» кен орнының «№ ОЦ-257, № ОЦ-258, № ОЦ-259 ұңғымаларынан мұнайдың, газдың және судың беткі сынамаларының физикалық-химиялық қасиеттерін талдау және тау жыныстарын кешенді зерттеу (стандартты және арнайы талдау)» туралы шарт бойынша жұмыс жүргізуде. Аталмыш жоба «Каспий мұнай» АҚ-ның тапсырысы бойынша «СТРАТУМ КЭР» ЖШС-мен бірлесіп жүргізілуде. Химиялық синтез және мұнай өндіру зертханасында мұнайды химиялық реагент ерітінділерімен ығыстыруды модельдеу жөнінде талдаулар жүргізіледі, ал қалған жұмыстар «СТРАТУМ КЭР» кәсіпорнында жүргізіледі.
Білім беру бағдарламалары
-
Бакалавриат
-
Магистратура
-
Докторантура
-
Қашықтықтан білім беру
